Shumë pronarë kafshësh gjejnë mënyra të ndryshme për të ruajtur kujtime nga kafshët e tyre të dashura që i kanë patur për vite të tëra.
Pasi qeni i tyre ngordhi, një familje në Australi ka vendosur që lëkurën e tij ta kthejnë në tapet për ta patur gjithmonë mes tyre.
Kompania e cila ka krijuar tapetin me lëkurën e qenit thotë se metoda e balsamosjes është bërë “trend” vitet e fundit pasi kërkesat po shtohen çdo vit e më shumë.
Balsamosja e kafshëve shtëpiake është bërë me të vërtetë më e popullarizuar në pesë vitet e fundit apo më shumë.
Sipas punonjësve që merren me balsamosjen e kafshëve, lëkura e kafshëve nxihet në mënyrë që leshi të mos bjerë dhe tapeti/qilimi të qëndrojë në gjendje të mirë për shumë vite.
Tapeti me lëkurën e qenit ka marrë shumë reagime në rrjetet sociale pasi ka njerëz që thonë se ideja është "e bukur, por jo për të gjithë".
