Misteri! Një tufë delesh ecin në formë rrethi prej 12 ditësh pa u ndalur

Ndryshe

Misteri! Një tufë delesh ecin në formë rrethi prej 12 ditësh pa u ndalur

Më: 19 nëntor 2022 Në ora: 08:05
Tufa e madhe e deleve ecin njëra pas tjetrës në mënyrë rrethore pa u ndalur prej 12 ditësh.

Një tufë delesh në Kinën veriore prej 12 ditësh janë duke ecur në formë rrethi e duke ndjekur njëra-tjetrën.

Tufa e madhe e deleve ecin njëra pas tjetrës në mënyrë rrethore pa u ndalur prej 12 ditësh.

Duke folur për sjelljen e çuditshme të kafshëve, pronarja e tyre Miao tha se në fillim ishin vetëm disa dele që ecnin në këtë mënyrë pastaj e gjithë tufa filloi të ndiqte shembullin.

Ajo madje tha se pavarësisht se ka 24 tufa delesh në fermë, vetëm delet në stanin numër 13 kanë vepruar në këtë mënyrë.

Ka dyshime se delet janë prekur nga një sëmundje bakteriale e quajtur Listerioza, e cila dihet i bën kafshët të ‘rrethohen’ në mënyrë misterioze.

Listerioza zakonisht lidhet me silazhin e prishur (ushqimin e deleve) dhe shkakton çorientim dhe inflamacion në njërën anë të trurit të një kafshe, pra rrethimin. Në raste më serioze, sëmundja mund të çojë edhe në paralizë në anën e prekur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat