• Ta marrim urtë e qetë këtë punë dhe ta bisedojmë si vëllezër, që jemi edhe nëse kështu nuk po ndjeheni.
• Shqipëria në NATO,
• Kosova po avancon drejt NATOS.
Vazhdon lufta kundër luftës së Koshares. Biçim ekspertë, “heroi të gjallë”, ish konsumues të Sorosit konsumues të fondeve të ndryshme, legale dhe ilegale janë ngritur në këmbë,akuzojnë më flakë dhe përpiqen të errësojnë luftën e Koshares.
Pretendues për famë e namë janë tani të pa kënaqur më dokumentarin serb . Kjo ndezje fillojë pas dokumentarit serb për luftën e Koshares shfaqur me 9 prill 2019.
Që 20 vjet në flasim për luftën e Koshares.
Që 19 vite përkujtojmë këtë Betejë, më projektin manifestues “Ditët e Shqipes” që organizohet nën patronatin e Presidencës apo Qeverisë së Kosovës. Ka patur përpjekje për injorime sporadike, tendenca për minimizim të sukseseve të luftës në Koshare, më vonë tendenca për politizim dhe uzurpimin e kësaj lufte me do far shigjetash, por jo sikur ky shpërthim që ka ndodhur tani.
Si mundë të shpjegohet kjo?
E kuptojnë këta shqipfolës gjuhen serbe më mirë së gjuhën shqipe, apo u besojnë serbeve më shumë së shqiptarëve?
Cilat janë akuzat që i behën kësaj lufte deri tash:
1. Ushtaret në Koshare kanë ngrënë mish ndërsa ushtaret tjerë nuk kanë pas bukë e municion.
2. Kanë pas armatim të mjaftueshëm .
3. Lufta e Koshares e ka pas shpinën e lirë.
4. Nuk e kanë hapur korridorin për të përkrahur luftën në Kosovë.
Të shkojmë me radhë; .
1.Ushtaret në Koshare kanë ngrënë mish ndërsa ushtaret tjerë nuk kanë pas bukë e municion.
Po është e vërtetë ushtaret e Koshares e kanë pas ushqimin e mjaftueshëm dhe u ka shkuar i ngrohtë në çdo pozicion të tyre luftarak sado largë kanë qënë deri në vijën ë parë të luftimit edhe atëherë kur bartja është bërë më ushtarë të cilët i kanë pasur enët që mbyllen hermetikisht dhe bartën si çanta. Por megjithatë , ka munguar në raste të veçanta në kushte lufte që është e kuptueshme.
Kjo ka ndodhur sepse GO3 dhe në vazhdim Brigada 138”Agim Ramadani” , ka qenë njësi ushtarake e organizuar e kompletuar me të gjithë elementet e domosdoshëm të luftimit dhe të mbeshtetjes në luftim, të udhëhëqur nga drejtues ushtarakë dhe ekspertë profesionist. Luftës në frontin e Koshares i ka paraprirë një planifikim shumë i saktë dhe konkret i kerkesave dhe nevojave në çdo fazë të luftimit dhe është mundësuar furnizimi më kohë .
Logjistikën në këtë front lufte e kanë udhëhequr Komandantet ekspert: Afrim Beka ,- Puço, Abaz Thaqi, Ali Hasi, Sebahate Tolaj dhe shumë të tjerë që nuk mund të i përmendi në këtë shkrim të shkurt, në bashkëvëprim edhe me zinxhirin komandues direkt në luftim.
Ta marrim urtë e qetë këtë punë dhe ta bisedojmë si vëllezër, që jemi edhe nëse kështu nuk po ndjeheni.
Çdo gjë në këtë luftë është organizuar dhe zbatuar në mënyrë profesionale. Paratë e derdhura dhe ndihmat e ardhura për këtë luftë, janë harxhuar për nevojat dhe kerkesat e luftës dhe kjo mundë të konfirmohet më këto rezultate. Më vjen keq shumë për luftëtarët në disa rajone të tjera të luftimit ,që kanë pasur mungesë të bukës dhe municionit gjatë luftës. Ata janë njerëzit tonë, janë familjarët tonë. I kujtojmë më mall dhe dhembje.
Por për këtë nuk mjaftojnë deklaratat tuaja vajtuese në media, sikur ju qenkeni ata që ua qani hallin.
Si eprorë dhe drejtues të këtyre forcave në luftim keni pasur obligime ndaj tyre.
Keni pasur miliona DM, nga Qeveria e Republikës së Kosovës dhe plus krejt fondin “Vendlindja Thërret”. Përderisa mjetet financiare i keni patur,pse nuk i kanë furnizuar ushtaret tuaj të cilët u kanë besuar aq shumë. Ju do të duhej të përgjigjeshit para organeve të drejtësisëpër këtë dhe të tjera.
Apo ndoshta po behët kjo mjegull për të i ikur përgjegjësisë?. Ju “trima”, luftën nuk e financuat. Ku i harxhuan milionat para të këtij populli? Në luftë nuk i keni harxhuar, këtë po e dëshmoni vet, luftëtarët nuk kanë pasur armë as ushqime. Por keqpërdorimin nuk e lanë vetëm më kaq, ju tani i frytë listat e veteranëve duke ua marr kafshatën e gojës këtyre që shpëtuan nga lufta. Deri sa deklaroheni së të gjithë ju i keni nga dy tre milion euro. Ju përkujtojmë së mbi 50 veteranë kanë bërë vetëvrasje nga skamja !!!.
Mjafton për një momënt të bëjmë një analizë të thjeshtë:
Cilët komandantë u bënë milionera pas luftes, me çfarë e bënë këtë pasuri dhe çfare pasurie kishin ata para lufte?
2. Ushtaret e Koshare kanë pas armatim të mjaftueshëm. Po!
Në Koshare ka pas armatim të mjaftueshëm të kalibrave të ndryshem ,deri armë të artilerisë së rëndë.
Armatimin e kemi blerë.
Të ju përkujtojë ata që kanë penguar armatimin e shqiptareve në Kosovë janë të njëjtit oficer që penguan luftën deri në përfundimin e sajë.
A. Tre herë i kemi dërguar kamionët në Zagreb në vitin 1992 për armë sipas marrëveshjes që e kemi pas kur ishim më Shaban Manaj, Rrahman Igrishtaj dhe Sylë Maksutaj, por tre herë janë kthyer më ndihma nga Nënë Tereza nga të njëjtit epror që ishin më vonë në Ministrinë e Mbrojtjes.
B. Oferta e votuar në Qeverinë e Kosovës në vitin 1998 t nuk u zbatua. Ishte ofertë për armë të sofistikuara që do të vinin në “Lug të Gurve të Gjakut” Ishim bashkë më Rifat Haxhiun dhe Sadri Ramqaj i cili u zhduk pa gjurmë.
Pse ndodhi kjo?
Kush e pengoj?
Ka pas edhe shumë pengesa tjera që kësaj radhe nuk do të i përmendi.
3. Lufta e Koshares e ka pas shpinën e sigurt është një konstatim tjetër.
Po,por të mos harrojmë faktin që Shqipëria në vitin 1997 kishte kaluar në kaos të vertetë dhe shteti kishte rënë, çdo gjë kishte dalë jasht kontrollit, si pasojë dhe siguria në këto zona në ato vite.
Në qoftë së shpinën na e ka mbrojtur Shqipëria, atëherë po e analizojmë pak edhe këtë konstatim.
Shpinën edhe gjoksin ishte deshtë ta kenë të sigurt Ministri Ahmet Krasniqi në Tiranë, Ilir Konushevci , dhe Dr. Hazir Mala në Tropojë. Kriminelet, nuk e kursyen Dr. Hazirin e të tjerë dhe pse ishin nga Tropoja këta e të tjerë u vranë në Shqipëri.?!!!
Shpinën e lirë e patën edhe në disa zona të tjera (sipas projektit tuaj ,por ushtria serbe u fut në Shqipëri!?.
Për këtë ndoshta nuk do ta fajësoni përsëri GO-3.
Ndërsa në Koshare territori i çliruar , perveçse rritej çdo ditë , megjithë përpjekjet e vazhdueshme e me gjithe arsenalin e tyre luftarak,nuk arritën për të ri okupuar asnjë metër tokë të liruar.
4. GO-3. nuk e ka kryer misionin që e ka pasur thotë “eksperti”, Dilaver Goxhaj, nga se nuk kanë hapur korridorin!
“Ekspertë” të tipit Dilaver Goxhaj e të tjërë të llojit të tyre, duhet ta kenë të qartë se për të dalë në perfundim të suksesit apo mos suksesit te një veprimi luftarak( qofte mesymës, mbrojtës, të përmasave të ndryshme nga më e vogla e deri në shkallën më të lartë),nuk mjaftojnë intervistat e disa protogonistëve në luftë për pjesë të veçanta të sajë, por së paku duhet:
- Të keni studiuar dokumentacionin luftarak të forcave në luftim në dy krahët dhe në gjithë frontin e luftimit.
-Të keni qënë vetë pjësëmarrës në luftim.
I. Veprimet dhe aktiviteti i forcave të GO3 ,që nga fillimi i veprimeve luftarake e deri në përfundim të luftes ,janë të dokumentuara, ka filmime reale direk ne aksione, ndersa për kuriozitetin tuaj pas lufte ka dhe një simpozium shkencor per ketë.
Përpara se të merreni me Betejën e Koshares ishte dashtë t’i lexoni këto dokumente.
Në rast se nuk ju kanë interesuar të dhënat për forcat tona qoftë nga (hipokrizia, dashakeqësia apo mungesa e të dhënave e informimit në këtë fushë) është problemi i juaj .Por meqënse i keni shumë për qef tju referoheni të dhënave të forcave serbe , përse nuk analizuat dokumentet zyrtare të tyre të publikuara nder vite, hartës luftarake të marrë nga forcat tona oficerit serb të vrarë në frontin e Koshares, dhe së fundmi dokumentarit serb të realizuar nga Ministria e Mbrojtjes serbe me dt.09.04.2019 për Betejën e Koshares. Në këto dhe dokumenta të tjerë ,flitet shumë qartë për forcat që janë angazhuar në këtë front nga ana e tyre ,veprimet dhe sukseset e forcave perballe tyre që ishim ne GO3.
Humbjet e tyre të deklaruara, (gjenerali serb pjesëmarrës në front deklaron 350 ushtarakë të vrarë,pa përfshirë forcat e tjera në luftim), cilësimi i Koshares si “Beteja e dytë e Kosovës”“Ferri në tokë”Vietnami në miniatur” N ,analizën e bërë luftës në Koshare ku Gjeneralët serbë e vlerësojnë si Beteja e tregojnë më se miri se veprimet luftarake në frontin e Koshares kanë qënë aksion ,veprime thjesht luftarake apo Betejë.
Analizoni me vemendje dhe efektin që kanë patur këto vëprime për forcat tona në thellësi dhe aleatët ndërkombëtar edhe pastaj dilni në perfundimin që kjo betejë ishte e suksesshme apo jo.
Në deklarimet tuaja për Planifikimin e nderhyrjes në luftë, objektiva , kush e planifikoj dhe afatet kohore, jeni shume kontradiktore deri ne kufitë e pabesueshmerisë apo të mashtrimit.
Persa i perket të shumëpërfolurit hapje koridori ,duhet të keni të qarte se edhe gjatë periudhës se luftës frontale të zhvilluar në Logjë nga Br. 134, Komanduar nga Tahir Zemaj, Salih Çekaj etj., korridorin e kanë mbajtur të hapur Br. 131 e komanduar nga Rrustem Berisha dhe Agim Ramadani etj. Armët e pritura dhe të premtuara nuk kanë shkuar ato janë penguar në Shqipëri nga kush zotëri “strateg”???.
Hapja e koridorit në kuptimin klasik do të thotë lidhja në mes dy teritoreve(vendeve), të lira.
Në betejën e Koshares, bashkëveprimi dhe koordinimi i veprimeve me forcat e Kom.Ramush Harajdinajt në Rrafshin e Dukagjinit,ka qenë i vazhdueshëm.
Po na thoni të o të uruar lufta e Ramush Haradinaj ishte frontale apo guerile.
Si hapet korridor për luftë guerile kur guerilet janë sot në Deçan nesër në Pejë, pas nesër në Gjakovë. Kurse për të përkrahur luftën e komanduar nga Ramush Haradinaj Go-3 e ka përkrahur sa herë e ka kërkuar. Për këtë Kryeministri Haradinaj është prononcuar disa herë. Pra ju ekspert që profesionalizmin dhe suksesin tuaj e matni më shikime në TV e pëlqime në FB, çfarë projekti na qenka korridori për luftë guerile.
Na tregoni në cilën luftë është hapur korridor për guerilet dhe sa është mbajtur i hapur?. Më këtë “art ushtarak” mburreni ju?
II. Persa i përket pjësëmarrjes tuaj në luftim, jeni i qartë se keni qenë shume larg asaj beteje , por do të ishim kuriozë të dimë a keni marrë pjesë në ndonje lufte,apo betejë dhe cili ka qënë përfundimi i saj?
Si përfundim ne ju kuptojmë dhe për konkluzionet tuaja përsa i perket Betejës së Koshares,pasi ju kryesisht i referoheni doktrines akademike ushtarake të kohës së regjimit komunist (në fundin e tijë) dhe keni shumë mangësi përsa i përket doktrines ushtarake te NATO-s , kurë ajo ka filluar te aplikohet në ushtrinë shqiptare, ju në vitin 1994 jeni nxjerrë nga detyra “Për moszbatim të urdhrit” dhe jo për shkak të reformës siç pretendoni, (sipas vlerësimeve tuaja) ,me largimin tuaj e disave si ju ,ka marre fund ushtria shqiptare, është drejtuar nga njerëz të pa aftë. Ushtria shqiptare është anëtarësuar në NATO dhe është partner i respektuar nga NATO. Shqipëria nuk ka qenë kurrë me e sigurt së tani.
Ju mundë ta shani, të fyeni, kjo i përket edukatës dhe kulturës tuaj.
Më sharje dhe fjalë denigruese nuk mundë të zbeheni (ulni, dobësoni) as pak suksesin vlerat dhe madhështinë e Luftës në Koshare.
Më dallavere,gënjeshtra të planeve tuaja nuk mundë ta uzurponi luftën e Koshares.
Më fjalë denigruese për Kosharen nuk mundë të i mbulosh dështimet dhe dëmet që i keni bërë luftës së shqiptarëve në Kosovë.
Ju dhe gjithë të tjerët si puna e juaj duhet ta keni të qartë se:
Beteja e Koshares ka qënë një betejë e suksesit,betejë e bashkimit dhe unitetit të kombit shqiptarë.
Planifikimi dhe drejtimi i forcave në luftim eshtë bërë nga drejtues ushtarakë profesionist ,për këtë flasin dhe faktet.
Bashkëveprimi me forcat ne brendësi, forcat aleate te NATOS, Forcat ushtarake dhe popullsine shqiptare ,ka qenë ne nivelet e duhura.
Beteja e Koshares ka qënë dhe do të ngelet simbol i luftës së UÇK-së për çlirimin e vendit nga ekupatori serb.
Për sukseset e kësaj Brigade flet dhe fakti që Presidenti i republikes Kosoves, me dekret të veçante shpall 113 deshmoret e kësaj beteje “Heronj te Kosovës”. Më largimin tuaj dhe të dilaverëve tjerë nga ushtria shqiptare, Shqipëri është anëtarësuar në NATO. Më punën që e bënë Ministri i Mbrojtjes së Kosovës ish Komandant i Br.”Agim Ramadani”bashkë me gjeneralët e shkolluar; ushtria e Kosovës u avancua nga FSK në ushtri. Më këta epror merr pjesë në shumë programe të NATOS dhe ka korrë suksese për çka është dekoruar më medalje të artë. Më largimin e Dilaverëve nga ushtria dhe nga politika në Kosovë dhe Shqipëri; Shqipëria do të anëtarësohet në BE dhe Kosova në NATO dhe BE.
Duke qenë të edukuar në mirësinë e Nënës Terezë në nuk do të u mallkojmë, nuk do të u shajmë, as ofendojmë për dëmet e i keni sjell shqiptarëve. Në do të lutëm për shëndetin tuaj shpirtëror. Amin!
