Zogaj: Dialogu duhet bërë ndërmjet dy shteteve të barabarta - Bota Sot
Zogaj: Dialogu duhet bërë ndërmjet dy shteteve të barabarta

Politika

Zogaj: Dialogu duhet bërë ndërmjet dy shteteve të barabarta

Nga: A.M. Më: 17 mars 2019 Në ora: 15:00
Ilustrim

Analisti politik, Skënder Zogaj, në një prononcim për “Bota sot” është shprehur se taksa është vendimi më i rëndësishëm i Qeverisë së Kosovës.

“Taksa është vendimi i parë i rëndësishëm i Qeverisë së Republikës së Kosovës ç‘prejse është shpallur pavarësia! Ky vendim përkatës me kompetencën kushtetuese dhe sovranitetin e vendit, prandaj, nga kjo pikëpamje nuk mund të ketë asnjë vërejtje, dhe është për keqardhje që Kryeministrit Haradinaj nuk iu dha përkrahja e plotë institucionale dhe politike!”, ka thënë ai për “Bota sot”.

Po ashtu, Zogaj mendon se Haradinaj ka të drejtë dhe se taksa është një vërejtje që duhet të kuptohet seriozisht.

Image
Skënder Zogaj

“Haradinaj kësaj here ka plotësisht të drejtë, sepse taksa është një masë e përkohshme mbrojtëse nga invazioni i mallrave të një vendi armik, i cili hapur i thekson pretendimet territoriale!  Kush mund të na garantojë se Serbia, e cila ka fut në tregun kosovar miell për njerëz nga gruri i rezervar për derra, të mos fus edhe prodhime të tjera të rrezikshme për shëndetin dhe jetën e qytetarëve të Kosovës! Pra, taksa është një vërejtje që duhet të kuptohet seriozisht dhe, kur të ndodh kjo, arsyetohet edhe mundësia e heqjes së saj!”, ka potencuar ai për “Bota sot”

Për më tepër,  Zogaj ka potencuar se taksa nuk e prish miqësinë e Kosovës me SHBA-të.

“Nuk është e vërtetë se taksa e prish miqësinë e Kosovës me SHBA-të! Jo, nga Amerika kanë ardhur këshilla, për analiza dhe veprime të reja, se kjo taksë duhet të evoluojë dhe të kthen në normalitetin bilateral, që është edhe qëllimi i dialogut! Por, dialogu duhet bërë ndërmjet dy shteteve të barabarta!”, ka theksuar Zogaj për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...