Analisti politik, Nexhat Haziri për “Bota sot” është shprehur se nëse Josep Borrell Fontes vjne në pozitën e Fedrica Mogerinit është një lajm i keq për Kosovën pasi që mund të krijojë paqartësi rreth vazhdimit të dialogut me Serbinë.
“Nëse si pasardhës i Fedrica Mogerinit zgjidhet, Josep Borrell Fontes, i cili është ministër aktual i Punëve të Jashtme të Spanjës, është një lajm i keq për Kosovën dhe zgjedhja eventuale e tij po ashtu do të krijoj paqartësi rreth vazhdimit të dialogut me Serbinë dhe arritjes eventuale të ndonjë marrëveshje në mes dy shteteve, e që nga Borrell nuk pritet ndikim pozitiv, ndoshta edhe pengues dhe refuzues në drejtim të procesit të integrimeve evropiane, kur dihet se Spanja nuk e njeh pavarësinë e Kosovës”, ka thënë ai për “Bota sot”.
Po ashtu, Haziri ka deklaruar se me zgjedhjen e tij si shef i diplomacisë evropiane forcohet për arsye je se BE-ja nuk e njeh Kosovën si shtet.
“Dhe ky skepticizëm me zgjedhjen e tij si shef i diplomacisë evropiane, forcohet për arsyeje se BE-ja nuk e njeh Kosovën si shtet dhe nuk po arrin të ketë apo të ndërtoj një qëndrim unik kur bëhet fjalë për pavarësinë e Kosovës”, ka përfunduar ai për “Bota sot”.
