Dialogu mes Kosovës dhe Serbisë do të vazhdojë më 2 shtator në Shtëpinë e Bardhë. Lajmi tashmë ka bërë bujë edhe në mediat ndërkombëtare.
Prestigjiozja amerikane “Bloomberg”, ka shkruar se planet e administratës Trump për dialogun ishin anuluar pas ngritjes së aktakuzës nga Gjykata Speciale ndaj presidentit Hashim Thaçi, përcjell Bota sot.
Media rikujton se Serbia është zotuar të mos heqë dorë kurrë nga ajo që e konsideron “zemrën e saj historike”, por ka theksuar se pa zgjidhjen e konfliktit me Kosovën, të dyja vendet nuk do të mund të anëtarësohen në Bashkimin Evropain.
Shkrimi i plotë i “Bloomberg”:
Drejtuesit e Serbisë dhe të Kosovës do të përpiqen të zgjidhin mosmarrëveshjen e tyre të gjatë në Shtëpinë e Bardhë muajin tjetër, tha një zyrtar i administratës Trump të enjten mbrëma.
Richard Grenell, i dërguari special për të dy vendet dhe një ish ambasador në Gjermani, e bëri njoftimin në Twitter. Ai tha se negociatat do të fillojnë më 2 shtator, ka shkruar media prestigjioze amerikane “Bloomberg”, përcjell Bota sot.
Administrata Trump u përpoq të luante rolin e ndërmjetësit në konflikt në fillim të këtij viti. Planet për një takim në Shtëpinë e Bardhë midis Presidentit serb Aleksandar Vuçiq dhe Presidentit të Kosovës Hashim Thaçi u anuluan kur prokurorët në Zyrën e Prokurorisë Speciale të Kosovës në Hagë akuzuan Thaçin për përfshirje në afro 100 vrasje dhe mizori të tjera.
Shumica etnike-shqiptare e Kosovës po kërkon njohjen si një shtet sovran pas shpalljes së njëanshme të pavarësisë në vitin 2008, pothuajse një dekadë pas fushatës bombarduese të NATO-s të udhëhequr nga Sh.B.A që detyroi trupat serbe nga territori i saj. Serbia është zotuar të mos heqë dorë kurrë nga ajo që e konsideron “zemrën e saj historike”, e cila përfshin vendet e lashta të shenjta të Kishës Ortodokse serbe. Ajo gjithashtu kërkon autonomi për 100,000 serbët që ende jetojnë në Kosovë.
Të dy vendet janë të interesuara të hyjnë në Bashkimin Evropian dhe konflikti duhet të zgjidhet para se ata të arrijnë anëtarësimin.
Njoftimi i Grenellit për bisedimet erdhi disa orë pasi Presidenti Donald Trump njoftoi për një marrëveshje midis Izraelit dhe Emirateve të Bashkuara Arabe që do të çojë në normalizimin e marrëdhënieve midis dy vendeve të tyrem në këmbim që Izraeli që pezullojë aneksimet e mëtejshme në Bregun Perëndimor./BS
