Kryetari i Nismës për Kosovën Fatmir Limaj, në trevjetorin e themelimit të partisë se ndihet krenar me punën e deritashme.
Limaj kritikoi pushtetin dhe më pas foli për të ardhmen e të vegjëlve në Kosovë, moment kur edhe shpërtheu në lot.
“Kudo që kemi vizituar vendin dhe fshatrat tona, kërkesa e të gjithëve është: bashkimi për ndryshim. Ne këtu bashkë një gjeneratë e moshës mesatare jemi krenarë që kemi qenë bartës të proceseve të lirisë së Kosovës...kështu që detyrë e jona është që t’i ndihmojmë fëmijët tanë që të ndërtojnë shtetin e Kosovës. Nëse dje kontribuuam në lirinë e Kosovës ne sot duhet t’i ndihmojmë fëmijët tanë për ta ndërtuar shtetin e Kosovës, ndërsa nipat dhe mbesat tona të krenohen dhe të jetojnë me dinjitet në atdheun e stërgjyshërve të tyre. Unë dua që nipi im Andri dhe mbesa ime Lala të krenohen me Kosovën e tyre...”, tha Limaj në lot.
