“Dorëheqja e David Philips, sinjal se SHBA-ja nuk e mbështet Thaçin nga marrëzitë e tij” - Bota Sot
“Dorëheqja e David Philips, sinjal se SHBA-ja nuk e mbështet Thaçin nga marrëzitë e tij”

Politika

E hënë, 22 tetor 2018

“Dorëheqja e David Philips, sinjal se SHBA-ja nuk e mbështet Thaçin nga marrëzitë e tij”

Nga: N.H Më: 13 tetor 2018 Në ora: 18:47
Hashim Thaçi

Edhe analisti politik, Faton Mehmeti, e ka komentuar dorëheqjen e David Philips, njëherësh ish-këshilltar për Marrëdhënie me Jashtë i angazhuar nga presidenti Hashim Thaçi.

Mehmeti në një prononcim për “Bota sot”, thotë se kjo dorëheqje po e vërteton se ideja e presidentit Hashim Thaçi për korrigjim të kufijve është ide personale e tij, dhe sipas tij, ketë ide nuk po e mbështet askush përpos presidentit të Serbisë, Aleksandar Vuçiq.

“Tashmë po dalin në pah se ideja e Thaçit për korrigjim të kufijve është ide personale e tij, që nuk e mbështet askush përpos Vuçiqit. Dorëheqja e këshilltarit të tij, David Philips shpreh më së miri rrezikun që i kanoset vendit nga ky njeri që fatkeqësisht është president. E gjithë kjo këmbëngulje e Thaçit për korrigjim të kufijve ka të bëjë thjeshtë me fatin e tij personale, me aludimin se një marrëveshje me Serbinë do të amnistonte Thaçin nga krimet dhe mekëtat e tija ndaj Kosovës. Por, çdo ditë e më tepër ky njeri po mbetet vetëm”, thotë Mehmeti.

Me tej, ai shton se presidenti Thaçi do i harxhoj të gjitha mundësitë, dhe nëse nuk gjen mbështetje askund, siç thotë analisti politik, ky i fundit do të inicioj rrëzimin e qeverisë.

Image
Faton Mehmeti

“Thaçi do i harxhon të gjitha mundësitë, dhe nëse nuk gjen mbështetje askund do të inicioj rrëzimin e qeverisë,me idenë se vendi po stagnon. Kjo do i jepte atij mundësinë që të shtynë punën e Gjykatës Speciale. Thaçi dëshiron me çdo kusht të mbaj vendin në tension, pasi vetëm kështu është i mundur të mbetet në pushtet, dhe të mbeturit në pushtet i siguron atij amnisti. Pra e gjitha kjo ka të bëjë me fatin personal të një njeri, i cili pa të drejtë e ka lidhur fatin e tij personal me fatin e Kosovës”, ka shtuar ai.

Në fund, Mehmeti ka nënvizuar se kjo dorëheqje është edhe një sinjal se SHBA-ja nuk e mbështet Hashim Thaçin nga marrëzitë e tij.

“David Phillips tregoi më së miri për rrezikun që i kanoset vendit, andaj edhe dha dorëheqje. Ky është sinjal se SHBA-ja nuk e mbështet Thaçin nga marrëzitë e tija, dhe i cili po mbetet gjithnjë vetëm .Thaçi, ky Don Kishoti që po mbetet vetëm me Sancho Panchon alias Kadri Veselin”, ka përfunduar analisti politik, Faton Mehmeti për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test