Burjani: Rusia ngadalë do të zhvendoset duke përkrahë vetëm Serbinë - Bota Sot
Burjani: Rusia ngadalë do të zhvendoset duke përkrahë vetëm Serbinë

Politika

Burjani: Rusia ngadalë do të zhvendoset duke përkrahë vetëm Serbinë

Nga: D.RR Më: 15 nëntor 2018 Në ora: 22:10
Putin dhe Thaçi

Analisti politik, Blerim Burjani, në një prononcim për “Bota sot” ka komentuar deklaratën e ministres së jashtme ruse, e cila tha se Rusia do të jetë pro çdo marrëveshjeje që do të arrihet mes Kosovës dhe Serbisë, por nëse është në të mirën e Serbisë.

Burjani duke komentuar këtë, përqendrohet më shumë në atë se çfarë i ka thënë presidenti rus, Putin, presidentit të Kosovës Hashim Thaçi. Burjani thotë se Serbia ndihet komode nëse zyrtarët rus deklarojnë se mbështesin Serbinë.

Image

“Rusia ka thënë se përkrahë çfarëdo marrëveshje Kosovë-Serbi, kjo është e saktë, kuptohet se Serbia e ndien mirë, kur edhe Rusia ngadalë do të zhvendoset duke përkrahë vetëm Serbinë. Rusia ka çështjen e saj problematike me të drejtën ndërkombëtare si rasti i Avokatisë në Gjeorgji, rastin e Krimesë etj. Rusia po tenton të legjitimojë veprimet e veta ne aneksime, kjo nuk i pëlqen perëndimit fare, pak është zbehë Rusia në këtë drejtim, po e shohë problemin që po ia sjellë perëndimi dhe izolimi”, ka thënë ai.

Burjani thotë se, një marrëveshje e mundshme mes Kosovës dhe Serbisë, do t’i hap rrugë Rusisë për politika tregtare në rajon.

“Zbutja e qëndrimit të Rusisë ndaj Kosovës ka dy diagrame të ndryshme, e para se Serbia duhet të respektoj Kosovën dhe vullnetin e saj me një pazar tjetër Republika Srpska të Bosnjës dhe Hercegovinës dhe çështje serbe në Bosnje në një të ardhme jo e largët , dhe gjetja e një modeli të marrëveshjes dhe mirëkuptimit për çështjet e hapura ruse politikat tregtare dhe çështje e hapura ruse ndërkombëtare. Serbia s’ka çka lyp më në Kosovë? Ajo do të shtegtojë politikisht në Bosnjë, kjo është e vërteta, pazari disi duhet të mbyllet, andaj Serbia do te ofrohet për një zgjidhje reale me Kosovën, pra për një marrëveshje përfundimtare apo transitore”, ka shtuar Burjani.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test