Ngrënia e kikirikëve të zier në ujë të mund të zvogëlojnë rrezikun nga reagimet e rrezikshme për jetën te ata të cilët janë alergjikë ndaj tyre
Me zierjen e kikirikëve nga 20 deri në 30 minuta shpëlahet pjesa e albuminave të cilat mund të shkaktojnë reagime të shpeshta fatale të cilat posaçërisht mbeten në kikirikët pas fërgimit, pretendojnë studiuesit nga Imperial College London, të cilët tani po testojnë këtë qasje, shkruan Daily Mail, përcjell Telegrafi.
Pasi që frutat arrore zihen dhe ftohen, ato nën mbikëqyrjen e mjekut u jepen atyre të cilët janë alergjikë ndaj kikirikut.
Në fillim në sasi të vogla, disa thërrmija në disa javë, mirëpo gjatë vitit sasia shtohet nga gjashtë deri në tetë kikirikë të plotë.
Kjo teknikë është një lloj i imunoterapisë orale që përdoret për të desensibilizuar sistemin imunitar ndaj pranisë së proteinave të kikirikut në ushqim, në vend se të reagoni me ashpërsi – një nga shenjat dalluese të një reaksioni serioz alergjik.
Disa studime kanë treguar që fëmijët, pasi që me muaj të tërë i janë nënshtruar imunoterapisë orale nga kikirikët, do të mund të hanë një numër të madh kikirikësh (përafërsisht 20 kokrra), por që nuk kanë përjetuar reagim alergjik.
Ekzistojnë një numër studimesh që përqendrohen në përdorimin e imunoterapisë orale për të trajtuar alergjinë nga kikirikët. Këto studime përfshijnë dhënien e një sasie në rritje të miellit të kikirikëve (shpesh në kapsula xhelatine) që gëlltiten çdo ditë për një periudhë prej javësh deri në disa muaj.
Pas kësaj periudhe kohore, bëhet një përpjekje për të përcaktuar se sa kikirikë mund të tolerojë fëmija pa përjetuar një reaksion alergjik. Disa studime kanë treguar që fëmijët, pasi iu nënshtruan imunoterapisë orale me kikirikë për disa muaj, ishin në gjendje të hanin një numër të madh të kikirikëve (afërsisht 20) pa përjetuar një reaksion alergjik.
Fatkeqësisht, pothuajse të gjithë fëmijët kanë përjetuar një formë të reaksionit alergjik gjatë imunoterapisë orale me kikirikë.
Shkencëtarët nga Imperial College London thonë se kikirikët e zier në ujë do të jenë një mundësi më e sigurt me më pak efekte anësore sepse zvogëlon përqindjen e proteinave të dëmshme.
Kur sistemi imunologjik arrin në kontakt me cilëndo qoftë proteinë kikirikësh, e trajton si kërcënim dhe liron sasi të mëdha kimikatesh të dizajnuara për të çliruar trupin nga ajo që e konsideron sulmues të rrezikshëm.
Kjo shpejt nxit simptoma të reagimit alergjik. Një hulumtim i paradokohshëm, i bërë në katër fëmijë me alergji ndaj kikirikëve, ka pasuar të njëjtën logjikë.
Nëse miratohet si një terapi, kikirikët e zier do të jepen nën mbikëqyrje mjekësore, pasi ende ekziston rreziku i një reagimi serioz.
“Qasjet e reja, të tilla si kikirikët e zierë, mund të përmirësojnë sigurinë dhe efektivitetin e procesit të desensibilizimit”, tha profesor Adam Fox, specialist i alergjisë pediatrike në Spitalin e Fëmijëve Evelyn London.
Ndërkohë, nënat që ushqejnë fëmijët me gji dhe që hanë kikirikë, mund të ndihmojnë në uljen e rrezikut të alergjive tek foshnjat e tyre, sipas Journal of Development Origins of Health and Disease.
