Gratë shpesh duhet të merren me gjëra të tilla si afshe të nxehta dhe rrahje zemre ndërsa kalojnë fazat e menopauzës.
Sidoqoftë, nuk mund të jetë vetëm “ndryshimi” që po shkakton këto simptoma. Sipas ekspertëve, gjithashtu duhet t’i kushtojmë vëmendje më të madhe presionit të gjakut.
Një artikull i fundit i botuar në European Heart Journal pretendon se afërsisht 50 për qind e grave do të zhvillojnë presion të lartë të gjakut para moshës 60 vjeç. Ashtu si menopauza, presioni i lartë i gjakut gjithashtu mund të shkaktojë një ndjenjë të ngjashme me nxehtësitë – por mjekët kanë tendencë ta neglizhojnë atë në vend që të marrin në konsideratë problemin e shëndetit të zemrës.
“Presioni i lartë i gjakut quhet hipertension te burrat, por tek gratë shpesh është etiketuar gabimisht si ‘stres’ ose ‘simptoma të menopauzës’”, shpjegon autorja e studimit Angela Maas. “Ne e dimë që presioni i gjakut trajtohet më pak te gratë në krahasim me burrat, duke i vënë ato në rrezik për dështimin e zemrës dhe goditjen në tru – gjë që mund të ishte shmangur”.
Maas shton se vërejtja e shenjave të hershme për presionin e lartë të gjakut gjatë gjithë jetës së një gruaje, madje edhe para menopauzës, mund të ndihmojë në shmangien e rreziqeve kardiovaskulare në të ardhmen.
Pra, vetëm sepse simptomat si afshet e nxehta dhe rrahjet e zemrës janë të zakonshme gjatë menopauzës nuk do të thotë se kjo në të vërtetë nuk mund të jetë presioni i gjakut që shkakton problemin – prandaj mos e neglizhoni.
