Ndërsa pandemia ka përparuar, shkencëtarët kanë bërë më shumë hulumtime për të kuptuar më mirë mënyrat e ndryshme për të trajtuar ose zvogëluar rrezikun e infeksionit, duke përfshirë këtu edhe vitaminat që mund t’i japin trupit tuaj një mbrojtje të fortë.
Tani, një studim i ri i botuar në revistën PLOS Biology ka zbuluar se mund të shtoni melatonin në listën e suplementeve që mund të ndihmojnë në luftën kundër Covidit, shkruan Best Life.
Përmes përdorimit të inteligjencës artificiale, studiuesit në Klinikën Cleveland ishin në gjendje të renditnin të dhënat për mbi 27,000 pacientë në një regjistër Covid-19 për të gjetur ndonjë të përbashkët.
Rezultatet treguan se ata që rregullisht merrnin hormonin e gjumit melatonin kishin rreth 28 përqind më pak të ngjarë të dilnin pozitivë për Covid.
“Kur morëm këtë rezultat, ne ishim shumë të ngazëllyer,” tha studiuesi kryesor Feixiong Cheng, nga Instituti i Mjekësisë Gjenomike i Klinikës Cleveland.
“Nëse zbulimet tona mund të ndihmojnë pacientët, ky është qëllimi dhe misioni ynë dhe në Klinikën Cleveland gjithashtu” shtoi ai.
