Për më shumë se një vit, bota po lufton me epideminë e koronavirusit dhe shkencëtarët janë ende duke zbuluar gjëra të reja në lidhje me sëmundjen.
Një nga problemet që ekspertët po përpiqen të zbulojnë është “COVID-i i gjatë” te disa pacientë që luftojnë me simptomat e sëmundjes për muaj pas diagnozës.
Nëse një person ka simptoma të COVID-19 për më shumë se tetë javë, atëherë ai person po lufton me një COVID të gjatë. Sipas Zyrës së Statistikave Kombëtare (ONS), çdo person i pestë me COVID-19 ka simptoma për pesë javë ose më gjatë.
Sipas një studimi të fundit, pacientët që luftonin me një “COVID të gjatë” raportuan disa simptoma që vazhduan për aq kohë sa gjashtë muaj nga diagnostikimi.
Alopecia ose rënia e flokëve mund të ndodhë për një sërë arsyesh, por zbulimet e fundit sugjerojnë se mund të jetë gjithashtu një simptomë e koronavirusit. Sipas një studimi të botuar në revistën “Lancet”, një e katërta e pacientëve të infektuar me COVID-19 raportuan humbjen e flokëve si një nga pasojat kryesore të sëmundjes.
Studimi përfshiu 1.655 pacientë të shtruar në Wuhan, Kinë, nga të cilët 359 njerëz (22%) luftuan me humbjen e flokëve gjashtë muaj pas daljes nga spitali. Studimi thotë se rënia e flokëve ndodhi më shpesh te gratë sesa te burrat.
Pacientët raportuan katër simptoma të tjera që zgjatën me muaj pas diagnozës fillestare, përkatësisht: lodhje, vështirësi në gjumë, ankth dhe depresion.
Rënia e flokëve u raportua në 22% të pacientëve, 26% u ankuan për vështirësi në gjumë, dhe ankthi dhe depresioni u raportuan në 23% të pacientëve.
