Melatonina është një hormon i gjumit që i sinjalizon trupit se është koha për të pushuar, por gjithashtu luan një rol të rëndësishëm në ruajtjen e shëndetit pasi që është antioksiduesi më i rëndësishëm për mitokondritë.
Mitokondria është organele qelizore e qelizave eukariote që shërbejnë si burim i energjisë qelizore dhe konsumohen me kalimin e viteve, për këtë arsye shumë ekspertë rekomandojnë të rregullojë funksionin e saj me ushqim, stërvitje dhe shtesa dietike.
"Mitokondria prodhon melatoninën, e cila zvogëlon ndarjen e mitokondrisë dhe rrit bashkimin e tyre, duke ruajtur kështu funksionin e tyre normal", shpjegon kardiologu Stephen Gandry, duke shtuar se përfitimet e melatoninës janë më të mëdha se përfitimet e saj për një gjumë të mirë.
Burimet e melatoninës në dietë
Fëstëkët
Fëstëkët kanë një përmbajtje të lartë të melatoninës. Një analizë e kryer nga studiuesit nga Universiteti i Louisiana zbuloi se fëstëkët përmbajnë rreth 660 nanogramë melatonin për gram, i cili është një numër dukshëm më i lartë se frutat, perimet, arrat dhe farat e tjera.
Vaj ulliri
Vaji i ullirit është i preferuar për shkak të yndyrave të shëndetshme mono të pangopura dhe profilit të vitaminës, por Gandri zbulon se vlera e tij është edhe më e lartë për shkak të melatoninës që përmban.
Së bashku me fitokimikatet dhe polifenolët që janë të përhapura në menynë e dietës mesdhetare, melatonina jep një efekt tjetër mbrojtës, shkruan Mind Body Green.
Verë e kuqe
Vera e kuqe nuk mburret vetëm me resveratrol, ajo gjithashtu përmban melatoninë. Kjo mbështetet nga kërkimet që tregojnë sasi të konsiderueshme të melatoninës në lëkurën e rrushit nga prodhohet vera e kuqe, e cila mund të kontribuojë në veprimin e saj antioksidues.
Kjo nuk do të thotë që ju duhet të deheni nga vera e kuqe për të përfituar nga ato përfitime. Konsumimi i ushqimeve që përmbajnë rrush, të tilla si lëng rrushi dhe uthull, mund të jetë i dobishëm.
