Studimi i ri ka zbuluar 178 gjene të shoqëruara me një formë të rëndë të depresionit.
Ky është studimi më i madh deri më tani për marrëdhëniet midis gjenomit dhe depresionit.
Edhe pse vlerësohet se më shumë se 200 milion njerëz në të gjithë botën kanë çrregullime depresive, gjendja që i shkakton ato ende nuk është kuptuar plotësisht. Shkencëtarët gjithnjë e më shumë po i drejtohen studimit të gjenetikës. Ata analizuan të dhënat shëndetësore të më shumë se 300 mijë njerëzve në mënyrë që të vërenin ngjashmëritë gjenetike, pra modelet midis njerëzve të prekur nga depresioni.
"Ne kemi njohur për shumë vite që rreziku i depresionit është i predispozuar gjenetikisht. Sigurisht, ai gjithashtu mund të shkaktohet nga ngjarje traumatike, por ne vetëm kohët e fundit kemi filluar të identifikojmë gjenet specifike të rrezikut dhe variantet e tyre", tha Joel Gelernter, një profesor psikologjie në Shkollën e Mjekësisë në Yale dhe një nga shkencëtarët që morën pjesë në hulumtimin e përmendur.
Zbulime të tilla mund të ndihmojnë shkencëtarët të përcaktojnë më mirë rrënjët biologjike të depresionit.
Ata shpresojnë që këto rezultate një ditë mund të ndihmojnë:
Përcaktimi se cila pjesë e popullsisë ka shansin më të mirë të fillojë të vuajë nga depresioni
Përcaktimi se kush do të përfitonte nga ndërhyrja e hershme
Zhvillimi i ilaçeve dhe hartimi i trajtimeve më të mira
Kërkimi u botua në revistën Nature Neuroscience muajin e kaluar.
Në të morën pjesë shkencëtarë nga Shkolla e Mjekësisë Yale dhe Universiteti i Kalifornisë-San Diego. Siç është përmendur tashmë, ata kryen një meta-analizë të të dhënave shëndetësore të më shumë se 300 mijë njerëzve.
Ata zbuluan 178 pjesë specifike të gjenomit, të njohura si loci, që lidhen me rrezikun e depresionit.
77 prej tyre ishin loci krejtësisht të reja që nuk ishin identifikuar më parë.
Studimi zbuloi gjithashtu 223 variacione specifike të blloqeve të ADN-së, të quajtura polimorfizma të vetme nukleotide ose SNP.
"Çdo gjen individualisht rrit ose zvogëlon rrezikun.
Pra, ka shumë variante, secila prej të cilave ju predispozon pak. Thënë thjesht, efektet e formave të ndryshme të rrezikut mund të kombinohen dhe t'ju vë në rrezik më të madh," tha Gellent.
