Kim Kardashian, Anna Wintour dhe Oprah Winfrey kanë një gjë të përbashkët: të gjitha shkojnë të flenë rreth orës 22:00. Duket se këto gra nuk e bëjnë këtë gjë më kot pasi që gjumi kaq herët mund të ketë shumë efekte pozitive në trupin dhe mendjen tonë.
Ndoshta nuk është për t’u habitur atëherë që disa nga gratë më të suksesshme sot e përfundojnë ditën e tyre kaq herët, për t’u bërë gati për tjetrën.
Bright Side tregon disa nga efektet pozitive në trupin dhe mendjen tonë, nëse fillojmë ta bëjmë rutinë gjumin në orën 22:00.
Ne marrim maksimumin nga gjumi
Gjumi ynë ndahet në cikle 90-minutëshe, të gjumit të rëndë dhe të lehtë, nga gjumi i thellë i lëvizjes jo të shpejtë të syve (jo REM) deri te gjumi i lëvizjes së shpejtë të syve (REM). Pjesa më e thellë dhe më e qetë e gjumit tonë është ndërmjet orës 22:00 dhe 2:00. Kjo do të thotë se për të pushuar plotësisht duhet të filloni të flini herët.
Gjithashtu, një studim thotë se gjumi më herët dhe më gjatë na ndihmon të ndalojmë mendimet negative dhe shqetësuese që mund të na mbajnë zgjuar natën.
Trupi ynë kthehet në formë
Kur jemi në ciklin e gjumit të thellë, trupi ynë po shërohet duke prodhuar hormone të rritjes dhe riparimit. Ky aktivitet vendimtar do të sigurojë që ne të jemi në formën më të mirë për ditën e nesërme, veçanërisht kur flasim për njerëz që janë atletikë.
Nivelet tona të stresit bien
Mungesa e gjumit të mjaftueshëm mund t’ju lërë të stresuar për shkak të niveleve tepër të larta të hormonit të stresit, kortizolit në trupin tuaj. Shumë kortizol mund të na bëjë të ndihemi të shqetësuar dhe mund të ndikojë në shëndetin tonë. Por sapo të filloni të flini më herët, mund të kapni periudha më të gjata të gjumit të thellë që në fakt mund të kontrollojnë nivelet tuaja të kortizolit.
Ju mund të zbuloni se jeni plotësisht të rimbushur gjatë ditës pasi nivelet e stresit ulen, falë pushimit që mendja dhe trupi juaj marrin nga gjumi i plotë i natës.
Do të jeni më të mbrojtur ndaj sëmundjeve
Disa studime kanë treguar se njerëzit që flenë më herët janë më të shëndetshëm në krahasim me ata që punojnë gjatë natës ose janë bufat e natës. Njerëzit që nuk arrijnë të zënë gjumë mjaftueshëm të thellë kanë një shans më të lartë për të jetuar me sëmundje si diabeti i tipit 2, sëmundjet e zemrës dhe hipertensioni.
Studiuesit zbuluan gjithashtu se faza e gjumit të thellë midis orës 22 dhe 2 të mëngjesit është vërtet e rëndësishme për qelizat tona imune. Njerëzit që nuk kishin gjumë të thellë kishin një përgjigje më të ulët të antitrupave të virusit, që do të thotë se ata mund të sëmureshin më lehtë.
Ne mund t’i kontrollojmë më mirë emocionet tona
Studimet tregojnë se njerëzit që flenë mjaftueshëm orë janë përgjithësisht më të lumtur në jetë. Kur nuk bëjmë gjumë të thellë mjaftueshëm, emocionet tona mund të jenë më të paqëndrueshme pasi e kemi më të vështirë t’i kontrollojmë ato. Gjithashtu, gjumi më herët mund të nënkuptojë zgjim më herët, gjë që mund të jetë e rëndësishme nëse duam të kapim më shumë dritën e ditës dhe serotoninën që përmirëson humorin.
Ne mund t’i kuptojmë më mirë emocionet e njerëzve
Një studim na thotë se mos gjumë i mirë e bën më të vështirë leximin e lumturisë dhe trishtimit. Sipas studimit, shenjat më delikate të emocioneve humbasin, që do të thotë se është pothuajse e pamundur të marrësh këto indicie për të treguar nëse një person është i sinqertë apo jo.
Megjithatë, emocionet e tjera si zemërimi dhe frika ishin të lehta për t’u lexuar, ndoshta sepse ato janë instinktet tona më parësore, të bazuara në mbijetesë, të nevojshme për të kuptuar rrezikun.
