A duhen mbajtur bananet në frigorifer?

Shëndetësia

A duhen mbajtur bananet në frigorifer?

Më: 17 prill 2022 Në ora: 10:48
Foto ilustrim

Bananet janë frutë e preferuar e të apasionuarve të fitnesit

Ato janë përbërësi perfekt në çdo smoothie, si dhe një mesvakt i parezistueshëm.

Megjithëse bananet zakonisht mbahen në enë me fruta të tjera, kjo mund të mos jetë mënyra më e mirë për t’i ruajtur ato.

Ekspertja e ushqimit dr. Tamika Sims pohon se bananet duhet të ruhen në frigorifer kur janë të pjekura.

Mund të mbahen në banakun e kuzhinës derisa të piqen dhe më pas do t’ua zgjatni afatin e përdorimit duke i vendosur në frigorifer derisa lëvorja të marrë ngjyrë të zezë”, tha dr. Tamika Sims.

Sipas saj, kur banania të jetë pjekur, mund ta vendosni në qesen për ngrirje të thellë, pastaj ta vendosni në frigorifer me ngrirje të thellë dhe më pas do të zgjasë deri në një muaj.

Bananet nuk mbahen në frigoriferë nëpër dyqane. “Nëse i vendosni në frigorifer shumë herët, mund të kontribuojë në shijen e tyre të hidhur, të ndryshojë ngjyrën dhe të mos piqet”, thotë Departamenti Amerikan i Bujqësisë.

Nëse lëvozhga e bananes dëmtohet, është mirë ta hidhni atë, thekson Qendra Amerikane për Kontrollin dhe Parandalimin e Sëmundjeve.

“Kjo mund të nënkuptojë se është e prishur, si dhe se fruti mund të jetë i ndotur me mikrobe. Gjithashtu hidhni një banane që është e zezë, shumë e butë ose ka një erë të pakëndshme,” shtuajnë ata.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat