Lufta kundër kancerit të lëkurës: Aplikacioni i ri mat rrezatimin UV

Shëndetësia

Lufta kundër kancerit të lëkurës: Aplikacioni i ri mat rrezatimin UV

Më: 22 qershor 2022 Në ora: 23:03
Foto ilustrim

Organizata Botërore e Shëndetësisë (OBSH) ka prezantuar një aplikacion të ri në telefonat e mençur që regjistron informacione për nivelet e rrezatimit ultravjollcë (UV) dhe paralajmëron kur duhet të aplikohet mbrojtja nga dielli.

SunSmart Global UV është zhvilluar në partneritet me Organizatën Botërore Meteorologjike (WMO), Programin e Kombeve të Bashkuara për Mjedisin (UNEP) dhe Organizatën Ndërkombëtare të Punës (ILO), është falas dhe synon "të zvogëlojë barrën globale të kancerit të lëkurës dhe UV-së.

“Dëshmitë tregojnë se ekspozimi i tepërt UV është shkaku kryesor i kancerit të lëkurës. Është e rëndësishme që njerëzit të dinë se kur dhe si të mbrohen”, tha Maria Neira, drejtore e Departamentit të Mjedisit, Ndryshimeve Klimatike dhe Shëndetit të OBSH-së.

Aplikacioni përdor të dhënat aktuale nga shërbimet e motit. Vlerësohet se më shumë se 1.5 milionë raste të kancerit të lëkurës janë diagnostikuar globalisht në vitin 2020, sipas OBSH-së.

“Në të njëjtën periudhë, më shumë se 120.000 njerëz në mbarë botën humbën jetën për shkak të kësaj sëmundjeje të parandalueshme”, thuhet në deklaratën e OBSH-së.

Gjatë verës, niveli i rrezatimit UV është veçanërisht i lartë dhe mbrojtja e lëkurës është e rëndësishme. Në varësi të llojit të lëkurës, djegiet mund të shfaqen vetëm pas 15 minutash në diell pa mbrojtje. Rrezatimi UV vlerësohet në një shkallë nga 1 (i ulët) në 11 ose më shumë (ekstrem).

Mbrojtja nga dielli rekomandohet nga niveli 3. Në Evropë, rrezatimi shpesh arrin nivelin 8 gjatë ditëve të verës, sipas WMO.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat