Arsyet pse po tkurret popullsia shqiptare, 5 mijë lindje më pak gjatë 2018-ës - Bota Sot
Arsyet pse po tkurret popullsia shqiptare, 5 mijë lindje më pak gjatë 2018-ës

Shqipëria

Arsyet pse po tkurret popullsia shqiptare, 5 mijë lindje më pak gjatë 2018-ës

Më: 1 janar 2019 Në ora: 20:53
Foto ilustrim

Numri i lindjeve në Shqipëri është në rënie të ndjeshme nga viti në vit.

Të dhënat e INSTAT tregojnë se nga viti 2013 deri në fund të vitit 2017, në vendin tonë pati gati 5 mijë lindje më pak.

Ky trend duket se është forcuar gjatë 2018-s, kur gjatë periudhës janar-shtator janë regjistruar rreth 18 mijë lindje. 

Edhe nëse për tre muajt e fundit të vitit që lamë pas shifrat do të ishin të njëjta me 2017-n, përsëri bëhet fjalë për një rënie me rreth 5 mijë lindje më pak.

Arsyet që shtyjnë çiftet e reja për të mos sjellë në jetë fëmijë janë të lidhura me gjendjen ekonomike dhe perspektivën e zbehtë për të ardhmen, raporton a2.

Kjo provohet edhe nga fakti se rënia e lindjeve është më e theksuar në qarqet më të varfra të vendit, si Dibra, Elbasani apo Kukësi.

Edhe pse numri i lindjeve tejkalon ende numrin e vdekjeve, shtesa natyrore e popullsisë nuk arrin të mbulojë largimet jashtë vendit, duke bërë që popullsia e Shqipërisë të tkurret vit pas viti. Nëse politika e re shtetërore për bonuset e bebeve do të ndikojë, pritet të shihet në fund të vitit që sapo nisi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...