Besa Shahini, zyrtarisht ministre e Arsimit në Shqipëri - Bota Sot
Besa Shahini, zyrtarisht ministre e Arsimit në Shqipëri

Shqipëria

Besa Shahini, zyrtarisht ministre e Arsimit në Shqipëri

Më: 17 janar 2019 Në ora: 20:36
Besa Shahini, zyrtarisht mori detyrën si Ministre e Arsimit, Sporti dhe Rinisë në Shqipëri

Besa Shahini që vjen nga Kosova, anëtare e kabinetit qeveritar në Shqipëri, sot gjatë ditës është betuar në Presidencë. Shahini, zyrtarisht mori detyrën si Ministre e Arsimit, Sporti dhe Rinisë në Shqipëri.

“Sot mora zyrtarisht detyrën e Ministres së Arsimit, Sportit dhe Rinisë në Republikën e Shqipërisë. Paraardhësja ime Lindita Nikolla, me të cilën punova ngushtë për 15 muaj si zëvendësministre, ka drejtuar këtë ministri me shumë kurajë dhe durim. Kurajën për të marrë vendime të vështira që sollën ndryshime të mëdha në sistemin arsimor dhe durimin për të dëgjuar dhe konsultuar të gjithë hisedarët para se të merrte ato vendime. Unë shpresoj që këto virtyte të më përcjellin dhe mua në zbatimin e kësaj detyre të rëndësishme, sidomos në këtë moment sfide që ngërthen në vetvete edhe një mundësi të madhe për të realizuar idetë më të mira për arsimin shqiptar”, ka shkruar Shahini në Facebook.

Kujtojmë se Shahini, dje gjithashtu mori votëbesimin në Kuvend me 77 vota.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...