Zgjatja e hetimeve për Tahirin, vjen nga Italia letërporosia për ish-ministrin - Bota Sot
Zgjatja e hetimeve për Tahirin, vjen nga Italia letërporosia për ish-ministrin

Shqipëria

Zgjatja e hetimeve për Tahirin, vjen nga Italia letërporosia për ish-ministrin

Më: 18 janar 2019 Në ora: 11:07
Saimir Tahiri

Prokurorët e Krimeve të Rënda firmosën të enjten shtyrjen e hetimeve edhe me 3 muaj për ish ministrin e brendshëm Tahirin për shkak se priteshin përgjigjet e letërporosive që duhet të vinin nga Italia dhe Mali i ZI.

Vizon Plus ka mësuar se letërporsia e Italisë ka mbëritur në duart e Krimeve të Rënda vetëm pak orë pas shtyrjes së hetimeve. Përgjgija e autoriteteve italiane po përkthehet dhe do të jetë gati brenda pak ditëve.

Në  letren drejtuar autoriteteve italiane është kërkuar që të verifikohet edhe një udhëtim në vitin 2014 i familjarëve të Tahirit me Mojsi Habilajn.

Ndërkohë që pak ditë më parë prokuroria e krimeve të rënda përfundoi hetimet duke çuar në gjykatë dosjen me 9 të pandehurit e grupit ‘Habilaj’, mes tyre edhe dy vëllezërit, Mojsi dhe Florjan habilaj.

Ata akuzohen se në bashkëpunim me njëri-tjetrin kanë trafikuar drogë nga shqipëria në Itali, në kuadër të një grupi të strukturuar kriminal.

Hetimet ndaj ish-ministrit nisën në tetor të vitit të kaluar, ndërsa Prokuroria e Krimeve të Rënda ka zgjatur disa herë afat e hetimet, pasi nuk ka mundur të sigurojë të gjitha provat që implikojnë Tahirin në trafikun e drogës me Habilajt.

Aktualisht Saimir Tahiri po hetohet në gjendje të lirë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...