Shembet ura në Lushnje. Incidenti, para godinës së Hipotekës - Bota Sot
Shembet ura në Lushnje. Incidenti, para godinës së Hipotekës

Shqipëria

Shembet ura në Lushnje. Incidenti, para godinës së Hipotekës

Më: 7 shkurt 2019 Në ora: 12:24
Foto ilustrim

Një rrëshqitje dheu poshtë urës, në lagjen “Kadri Qystri” të Lushnjes, ka bërë që ura të shembet plotësisht.

Prej dy ditësh, kjo rrugë është bërë e pakalueshme, pasi ura është shembur në të gjithë gjatësinë e saj.

Shkak për shembjen e saj është bërë gërryerja nga një përrua, i cili kalon përmes kësaj lagjeje. Por, veç përroit, shkaktar për shembjen janë edhe kalbja e hekurave të vendosur nëntokë, si dhe amortizimi i rrjetit të ujërave të zeza e të bardha, të cilat kanë ndikuar ndjeshëm në gërryerjen e tokës.

Bashkia e Lushnjes, ndërkohë, ka nisur menjëherë ndërhyrjen për riparimin e saj.

Rrezik nga gërryerja e përroit ka edhe godina e Hipotekës së Lushnjes. Në oborrin e Hipotekës, prej kohësh është hapur një gropë e madhe, e cila çdo ditë vazhdon të zmadhohet si pasojë e gërryerjes nga përroi.

Ndërsa banorët thonë se, problem është era e rëndë që ka ky përrua, pasi në të kalojnë edhe ujërat e zeza, duke shkaktuar ndotje të madhe.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...