Presidenti Ilir Meta është takuar në Uashington me Sekretarin e Shtetit, Mike Pompeo. Takimi është zhvilluar gjatë ceremonisë së Mëngjesit të Lutjeve në SHBA.
Kreu i shtetit shprehet se me kryediplomatin amerikan kanë diskutuar për raportet mes SHBA dhe Shqipërisë, si dhe forcimin e stabilitetit në Ballkanin Perendimor.
“Shumë i lumtur të isha sot në krah të Sekretarit të Shtetit, Mike Pompeo gjatë Mëngjesit të Lutjeve në Uashington.
Folëm për partneritetin e shkëlqyer të dy vendeve tona dhe rëndësinë e forcimit të sigurisë dhe stabilitetit në rajonin tonë. Zoti e bekoftë miqësinë shqiptaro-amerikane!“,- shkruan Presidenti Meta në një postimi në Facebook.
