Shpëtim Idrizi thirrje Ramës: Larg duart nga PDIU, boll të duruam - Bota Sot
Shpëtim Idrizi thirrje Ramës: Larg duart nga PDIU, boll të duruam

Shqipëria

Shpëtim Idrizi thirrje Ramës: Larg duart nga PDIU, boll të duruam

Më: 9 shkurt 2019 Në ora: 13:39
Shpëtim Idrizi

Kreu i PDIU, Shpëtim Idrizi ka zhvilluar një takim me strukturat e partisë në Tiranë. Gjatë fjalës së tij, Idrizi tha se trojet shqiptarë fillojnë në Konispol dhe përfundojnë në Artë, ndërsa PDIU nuk kërkon pronat, por atdheun. Idrizi tha se PDIU u rrit me  35% në zgjedhjet parlamentare të kaluara, por votat u vodhën nga kjo mazhorancë. Ai bëri thirrje Ramës të qëndrojë larg nga PDIU dhe Çameria.

“PDIU është nga partitë e vetme në Shqipëri që di pse ekziston. Ne sot kemi një rezolutë për shqiptarët e Çamërisë. Do luftojmë çdo ditë për dinjitetin njerëzor. Fqinji jonë vlon sot nga racizmi dhe nacionalizmi për shqiptarët. Shteti shqiptar ka detyrim t’i adresohet NATO dhe të hapë atje çështjen çame, por nuk ka këllqe e dinjitet përballë Greqisë. Ne sot kemi një varrezë për shqiptarët e Çamërisë. Ligji për minoritetet është poshtërues për shqiptarët. Kemi qenë dhe jemi për bashkim kombëtar për të afruar shqiptarët e Shqipërisë me Kosovën.

Trojet shqiptare fillojnë në Konispol dhe përfundojnë në Artë. Ne kërkojmë atdheun tonë dhe nuk kërkojmë pronat. Ne jo vetëm kemi marrë mandatin e Tiranës dhe Fierit, por u rrit me 35% në këto zgjedhje. Votat  u vodhën nga kjo mazhorancë. Por ne jemi të gjallë dhe jemi në këmbë, pavarësisht se nuk kemi përfaqësim politik. Ne sot nuk jemi në parlament, por do jemi më të fortë për t’u dëgjuar zëri i shqiptarëve. I bëj thirrje Edi Ramës, larg duart nga PDIU dhe nga Camëria se boll të kemi duruar deri më sot”- tha Idrizi.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...