Vdekja e nënës së re një orë pasi solli në jetë fëmijën, spitali: Pësoi komplikacion - Bota Sot
Vdekja e nënës së re një orë pasi solli në jetë fëmijën, spitali: Pësoi komplikacion

Shqipëria

Vdekja e nënës së re një orë pasi solli në jetë fëmijën, spitali: Pësoi komplikacion

Më: 22 prill 2019 Në ora: 18:53
Ilustrim

Pas vdekjes së 25-vjeçares një orë pas lindjes ka reaguar Qendra spitalore e Elbasanit. Në një deklaratë për mediat, spitali thotë se e reja pësoi komplikacion, ndërsa mjekët dhanë shërbimin maksimal.

Megjithatë pritet ekspertiza mjeko-ligjore për përcaktimin e shkakut te vdekjes së nënës së re nnë Elbasan. Por spitali nuk tregon orën e vdekjes së gruas së re.

“Duke shprehur ngushëllimet familjarëve për humbjen e 25-vjeçares R. D., Spitali rajonal Elbasan sqaron opinionin publik në lidhje me humbjen e jetës së 25-vjeçares” si vijon: Pacientja R. D. u paraqit në spital më datë 22.04.2019 në orën 10:25 paradite.

Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50.

Foshnja u reanimua dhe gëzon shëndet të mirë. Stafi mjekësor ka dhënë trajtimin e duhur mjekësor, por nëna e re dyshohet se pësoi komplikacion postoperator trombemboli pulmonare, e papajtueshme me jetën. Aktualisht priten rezultatet e ekspertizës mjeko-ligjore për shkakun e vdekjes së nënës”, deklaron spitali.

Ngjarja e rëndë ndodhi paraditen e sotme në spitalin e Elbasanit, ndërkohë familjarët e vajzës kanë ngritur akuza ndaj stafit mjekësore, duke u shprehur se mjeku kardiolog është vonuar një orë dhe nuk ka mundur ta shpëtojë.

25-vjeçarja nga Katundi i Ri ndërroi jetë rreth 1 orë pasi solli në jetë fëmijën e saj të parë në maternitetin e këtij qyteti, fatmirësisht foshnja gëzon shëndet të plotë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...