Presidenti i vendit, Ilir Meta ka thërritur në takim drejtorin e SHISH-it, Helidon Bendo dhe komandantin e Gardës. Mësohet se presidenti ka thërritur dy drejtuesit e institucioneve në një takim në zyrën e tij në Presidencë për tu njohur në lidhje me kanosjen që dyshohet se i është bërë kreut të PD-së, Lulzim Basha.
Lëvizja e kreut të shtetit vjen vetëm pak pas letrës që PD-ja, me firmë të sekretarit Gazmend Bardhi i ka nisur ministrit të Brendshëm, Sandër Lleshaj, pas një takimi informal që ky i fundit ka zhvilluar me truprojën e Bashës, Feim Dollapaj, duke i komunikuar faktin se kreut të opozitës i kërcënohet jeta. Bardhi aludon se Daollapa është thirrur në zyrë për të shantazhuar kreun e PD. Sipas burimeve, kreu i shtetit kërkon informacione lidhur me sigurinë e kreut të opozitës, Basha.
