Rama: 30 Qershori do të jetë dita e zgjedhjeve, duan apo nuk duan - Bota Sot
Rama: 30 Qershori do të jetë dita e zgjedhjeve, duan apo nuk duan

Shqipëria

Rama: 30 Qershori do të jetë dita e zgjedhjeve, duan apo nuk duan

Më: 20 qershor 2019 Në ora: 15:05
Edi Rama

Po nga foltorja e Kuvendit, kryeministri i Shqipërisë, Edi Rama kritikoi presidentin Ilir Meta për veprimet e tij, duke thënë se ai po i hedh benzinë zjarrit. Pavarësisht përpjekjeve, shefi i qeverisë tha se më 30 qershor zgjedhjet do të zhvillohen.

“30 qershori do të jetë dita e zgjedhjeve, duan apo nuk duan, qoftë ata që i fusin në këtë zjarr qoftë këta që i ndjekin drejt zjarrit. Sidoqoftë ajo që na takon është çka i takon kujtdo që është në të drejtën, të jemi të vendosur dhe të vetëpërmbajtur. Fatkeqësisht  ky është edhe rezultati i përfshirjes skandaloze të atij që është sot është në zyrën e Presidentit por që e ka humbur të drejtën të qëndrojë në atë zyrë duke i hedhur benzinë zjarrit.

Para dy ditësh morëm informacion se njerëz që lehtësisht mund të verifikohen se  me këtë janë të lidhur në katërshen, që iu është kundërvënë fuqimisht zgjedhjeve për t’iu kundërvënë Evropës, ashtu siç e shkruan Ismail Kadareja në faqen e që lexova, kanë komunikuar me disa persona në burgje duke i nxitur të marrin në dorë pjesë të tyre të revolucionit imagjinar dhe çuditërisht menjëherë mbas këtij informacioni del letra e Presidentit të shqetësuar për situatën në burgje.

Nëse Presidenti do të ishte realisht i interesuar për situatën në burgje minimalisht nuk duhej të rende ta publikonte letrën, minimalisht, të cilën e ka dërguar në adresën e gabuar, pavarësisht se ai sot ndihet komandanti suprem në krah e liderit suprem, nuk ka asnjë tagër t’i drejtohet askujt tjetër për informacion përveçse ministrave përkatës. Drejtorët nuk janë nomeklaturë e Presidentit”, tha Rama.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...