Komisioni i ligjeve ka prezantuar raportin për shkarkimin e presidentit që do t’i dërgohet Kuvendit.
“Presidenti nuk kishte interes për tu dëgjuar në këtë komision. Kur kishte nisur fushata zgjedhore presidenti nxori dekretin e shfuqizimit të datës së zgjedhjeve.
Kërkesa e 55 deputetëve e bazuar. Kuvendit do t’i dërgohet edhe letra përgjigje e presidencës bashkë me propozimin e ngritjes së një komisioni hetimor”, tha relatori, deputeti i PS-së Arbnor Shameti.
Me 13 pro dhe 1 kundër, ajo e Adriatik Alimadhit, votohet pro komisionit hetimor për shkarkimin e presidentit.
Propozimi i komisionit të ligjeve për ngritjen e komisionit hetimor do të diskutohet me debat në seancën e ardhshme të parlamentit më 4 korrik.
Braho: Jemi në dijeni të një vendimi të Kolegjit Zgjedhor. Ka cënuar sovranitetin e zgjedhësve. Presidenti nuk e ka shtyrë datën e zgjedhjeve, nuk ka caktuar asnjë datë. Do preferoja të ishte dhe dispozita përkatëse se çfarë është shkelur nga Kushtetuta.