Petrit Vasili, në një deklaratë për mediat foli sot përsëri lidhur me zgjedhjet lokale të 30 qershorit.
Nënkryetari i LSI-së tha se zgjedhjet e 30 qershorit duhet të ishin mbyllur pasi edhe atëherë kur Shqipëria nuk i kishte këto kushte që ka sot, zgjedhjet mbylleshin brenda dy ditëve
“Sot, në 2019, Shqipëria e Edi Ramës së hajdutëve nuk mbyll dot zgjedhjet. Shqiptarët dhe ndërkombëtarët i kanë refuzuar këto zgjedhje, ODIHR ka konfirmuar që ka patur votime të një partie të vetme dhe jo zgjedhje, ka konfirmuar datën 13 tetor si datë të ligjshme të zgjedhjeve, siç e ka vendosur presidenti Ilir Meta”, u shpreh Petrit Vasili.
Ajo shtoi se kjo Qeveri ngriti një Task Forcë, që hedh vallen e hajdutëve “dhe bashkë me Komisionin Qendror të Vejdhjeve luajtën tangon që ishte në funksion të vjedhjeve mostruoze të votave”.
Në reagimin e Petrit Vasilit, nga selia e LSI, kemi të bëjmë me “një shfrenim që kërkon si bazë votime të manipuluara. Refuzojeni Reformën Zgjedhore sa herë që e dëgjoni pasi pengesa është vetëm Edi Rama. Shqipëria nuk do të ngelet kurrë peng e vjedhjes së Edi Ramës. Me votime moniste, rruga për në Bashkimin Europian nuk do të jetë kurrë e hapur,”- u shpreh ndër të tjera në reagimin e tij Vasili.
