Vetëm pak ditë nga bllokimi i tij, kompleksi i Taivanit në kryeqytet është zhbllokuar sot nga gjykata. Ka qenë zv. kryeministri Erion Braçe ai që ashtu siç njoftoi për bllokimin e këtij kompleksi, bëri të ditur edhe lirim jo legjitim të tij.
Përmes një postimi në Facebook, Braçe shkruan se kompleksi Taiwani është zhbllokuar nga gjykata dhe jo nga ligji apo nga qeveria. Zv.Kryeministri hedh akuza ndaj gjykatësit Gentian Hamiti i cili dha vendimin që kompleksi Taivani të zhbllokohet.
“Taiwani nuk është biznes vip!!! Taiwani nuk është biznes vip për shkak të qarkullimit të vogël!!! Taiwani ka qarkullim të vogel sepse nuk e dokumenton atë me kuponë tatimorë!!! Tamam për këtë, Taiwani u bllokua të premten e javës që kaloi! Taiwani u çbllokua sot nga gjykata! Jo nga qeveria, jo nga politika, jo nga tatimet, jo nga ligji! Zero! Taiëani u cbllokua sot nga gjykata, gjykatesi Gentian Hamiti! Në shkelje të hapur të ligjit! Taiëani u gjet të premten e shkuar, pa kupon tatimor në tavolinat e restorantit të tij!
Sipas ligjit për procedurat tatimore në republikën e shqiperise; neni 122/ pika b/ gërma ii) thuhet: konstatimin (verifikimin) tjetër pas konstatimit të parë, sipas nëndarjes i të kësaj shkronje, nëse tatimpaguesi vazhdon të mos e lëshoj kuponin tatimor për të dokumentuar qarkullimin e realizuar të mallrave apo shërbimeve, përveç aplikimit të dënimit si në nëndarjen i) dhe në këtë rast merret masa e bllokimit të veprimtarisë në vendin ku është konstatuar shkelja për 30 ditë kalendarike”, shkruan Braçe.
Më tej ai shton se, “Tatimet kanë zbatuar pikë për pikë këtë nen dhe këtë gërmë! Kanë zbatuar ligjin! Kanë mbrojtur interesin publik të cënuar rëndë nga veprimtaria e paligjshme, e përsëritur nga kompania Taiëan! Dëmi mund të jetë kolosal, kur dyshimi shtohet nga ky kupon jo tatimor gjetur në atë tavolinë që mban numrin rendor 38168”.
Braçe më pas shton edhe disa pyetje për gjykatësin Hamiti duke thënë: Gjykatës ne cilin ligj u bazove? I kishe sytë hapur e mbi ligj apo funksionove me veshe ne telefon duke degjuar poezi romantike parash?"
“Gjykatës në cilin ligj u bazove? I kishe sytë hapur e mbi ligj apo funksionove me veshë në telefon duke dëgjuar poezi romantike parash? Ligji i tatimeve ishte ky! Ligjit yt thotë qartë se, sigurimi i padisë mund të vendoset kur nuk cënohet rëndë interesi publik! Si ka mundësi që zgjodhe di dalësh zot interesit të paligjshëm të privatit dhe jo interesit publik të cënuar rëndë nga privati?
Nuk dua përgjigje nga ty! Për ty dhe çdo sivlla me ty, pjesë e kësaj drejtësie të padenjë, të padobishme e shpesh të korruptuar, kthyer në biznes banal kundër interesit publik, dua të them: nga nesër, secila nga këto dosje do i kalojë organeve të vetingut, si pjesë thelbësore e veprimtarisë suaj profesionale nën gjykim nga këto organe! Ne do apelojmë menjëherë vendimin tënd! Ajo që po bëjmë me të paligjshmit në treg nuk ka kthim! As nga ju!”, përfundon Braçe.
