Meta thërret misionin e Kongresit të Autoriteteve Vendore: Demokracia në radhë të parë është vendore! - Bota Sot
Meta thërret misionin e Kongresit të Autoriteteve Vendore: Demokracia në radhë të parë është vendore!

Shqipëria

Meta thërret misionin e Kongresit të Autoriteteve Vendore: Demokracia në radhë të parë është vendore!

Më: 18 shtator 2019 Në ora: 13:57
Ilir Meta dhe z.Andreas Kiefer

Presidenti Ilir Meta ka përcjellë nga Strasburgu lajmin se Kongresi i Autoriteteve Vendose do të vijë në Shqipëri përmes një misioni në lidhje me zgjidhjen e krizës politike në vend.

Përmes një postimi në rrjetin social, Meta shkruan pas takimit me Sekretarin e Përgjithshëm të Kongresit këtë mesazh:

“Takim konstruktiv në Strasburg me Sekretarin e Përgjithshëm të Kongresit të Autoriteteve Lokale dhe Rajonale të Këshillit të Europës, z.Andreas Kiefer. Shkëmbyem mendime të vlefshme për mbështetjen që Kongresi mund të japë në kapërcimin e krizës së qeverisjes vendore në Shqipëri pas 30 qershorit, në përmbushjen e standardeve demokratike që vendet anëtare të këtij institucioni, sikundër është vendi ynë, janë të obliguar të respektojnë dhe për ndërmarrjen e hapave konkretë nga ana e Kongresit në këto drejtime. U dakordësuam për domosdoshmërinë e një misioni të Kongresit në Shqipëri në një kohë sa më të afërt. Demokracia në radhë të parë është vendore”, thuhet ne njoftimin e Metës.

Kujtojmë se Kongresi i Autoriteteve Vendore anuloi misionin e vëzhgimit në Shqipëri për 30 qershorin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...