Një shtetas shqiptar është arrestuar në Itali për ushtrim dhune të vazhdueshme ndaj bashkëshortes së tij.
Ngjarja ka çuditur opinionin italian teksa 40-vjeçari i kërkonte gruas së tij të mos bënte ‘make-up’, pasi ‘atë e bënin vetëm prostitutat’ dhe ajo duhej të mbyllte profilet e saj në Facebook dhe Instagram. Përveç kësaj ai kishte hequr pasqyrat në shtëpi. Shqiptari e dhunonte dhe gjatë kohës që ishte shtatzënë.
Sjellja e tij ndaj bashkëshortes arriti kulmin në momentin kur ajo zbuloi se kishte një lidhje tjetër pas 6 vitesh martesës.
‘’Burri mund ta bëjë këtë. Gruaja, jo, sepse ajo lindi nga brinjët e një burri dhe duhet të nënshtrohet’’, iu shpreh ai.
Më pas, gruaja e denoncoi bashkëshortin e saj në kuesturë dhe karabinierët e ndaluan. Ajo po kurohet në një qendër rehabilitimi në Piaçenca.