Ish-deputetja e PD, Grida Duma thotë se mos hapja e negociatave meriton protesta.
E ftuar në studion e lajmeve në RTV Ora, Duma tha se kjo çështje është duke u diskutuar në forumet e partisë.
Grida Duma: Unë kam folur dje me bindjen që mos hapja e negociatave meriton gjithashtu protesta. Kam folur gjatë protestave që kolona e dytë, alternativa duhet të jetë e fortë dhe e qartë. I kemi treguar njerëzve çfarë nuk shkon dhe e kemi bërë në mënyrë perfekte, i kemi treguar sakrificën, patjetër që duhet ti tregojmë që jemi forca më e mirë dhe gjërat mund ti bëjmë shumë më mirë. Dje unë kam folur që duhet të ketë protesta, të protestojmë për mos hapjen e negociatave sepse kjo është mbi partitë politike. Çdo demokrat duhet të jetë në pararojë të një fushatë që do të vijohet nga strategjitë që duhen ndërtuar për rrëzimin e Ramës. Protesta është një kolonë dhe është e duhura. Është në diskutim dhe ne japim mendimet tona, vijon të jetë në diskutim.
