Këtë të mërkurë botuesit Karlo Bolino ka publikuar foto të disa viteve më parë (prezumuar në 2017) ku shfaqet Presidenti Ilir Meta, në atë kohë drejtues i LSI-së, si dhe disa figura të njohura javët e fundit për opinionin publik shqiptar.
Fotot e mëposhtme tregojnë Presidentin Meta duke festuar në ambientet e kompleksit ‘Golden’ të Altin Hajrit, i shpallur në kërkim nga policia për përfshirjen në pengmarrjen e më tutje vrasjen e Jan Prengës, mbi çështje që kishin të bëjnë me një ngarkesë të madhe droge.
Ilir Meta duke ngritur dolli me Nard Koka, ne krah t tij Xhevdet Troplini
Lefter Koka dhe Altin Hajri
Në foto po ashtu shfaqet dhe një tjetër figurë, ajo e Xhevdet Troplinit, i cili është subjekt i Operacionit Forca e Ligjit.
Foto e pergjithshme e tavolines, perballe Metes Altin Hajri (me rreth jeshil), ne krah te tij Xhevdet Troplini
Publikimi i fotove nga Karlo Bollino, i cili njihet për qëndrimet e tij pro qeverisë Rama, nuk solli reagime në kampin politik socialist.
Por një reagim i fortë erdhi nga ana e Leonard Kokës, vëllai i ish- deputetit të LSI Lefter Koka. Leonard Koka, i cili rezulton në fotot e publikuara nga Report tv, fillimisht hedh poshtë idenë se ato janë bërë për të festuar marrjen e mandatit të deputetit nga ana Lefter Kokës. Më tutje, në reagimin e tij Leonard Koka shprehet se festa është për ditëlindjen e të vëllait dhe se botuesi Karlo Bollino ka hyrë e ka dalë 100 herë tek hoteli i Hajrave.
Ty Karlo që ke nxjerrë fytyrën time aty me Ilir Metën, po të them që ajo është ditëlindja e Lefter Kokës, vëllait tim. Teri bën nga 10 ditëlindje në vit. Kujdes se do dali edhe b… jote nga Shijaku që ke marrë për gru te ditëlindjet e Terit, që ka hyrë e dalë 100 herë tek hoteli i Hajrave. Unë kam foto shumë Karlo, për ty dhe për ata që të paguajnë ty.