Edhe gjashtë persona të tjerë janë shëruar nga koronavirusi, teksa lirohen edhe nga Spitali.
Lajmin e ka bërë të ditur këtë mbrëmje Ministrja e Shëndetësisë Ogerta Manastirliu, e cila ka thënë se janë liruar nga Spitali infektiv në Tiranë 6 pacientë të tjerë të shëruar nga Covid-19.
Në total shkon në 31 numri i atyre që janë shëruar nga koronavirusi në Shqipëri.
“Lajm i mirë! Gjashtë pacientë kanë lënë sot spitalin infektiv të shëruar nga COVID-19
Deri tani 31 qytetarë e kanë fituar betejën me sëmundjen e vështirë
FORCA ekipit të mjekëve të Infektivit”, shkruan Manastirliu.