Rama uron ndryshe Ditën e Rinisë: 30 VJET janë shumë në rrugën e një njeriu, por jo edhe aq në rrugën e historisë së një vendi

Shqipëria

Rama uron ndryshe Ditën e Rinisë: 30 VJET janë shumë në rrugën e një njeriu, por jo edhe aq në rrugën e historisë së një vendi

Më: 8 dhjetor 2020 Në ora: 08:44
Edi Rama

Ditën e sotme, Kryeministri Edi Rama ka reaguar për Ditën e Rinisë, e cila shënon 30 vjetorin e rënies së komunizmit.

Përmes një postimi në rrjetin social Facebook shkruan se 30 vite janë shumë në rrugën e njeriut, por jo aq shumë sa në rrugën e historisë së një vendi sidomos kur kjo është koha e kalimit nga një diktaturë ekstreme, në një demokraci funksionale.

Pjesë aktive e përpjekjeve përgjatë kësaj rruge, këtë gjë Kryeministri e ka cilësuar si privilegj të jashtëzakonshëm së bashku me nderin e madh të udhëheqjes së vendit në 7 vitet e fundit.

“30 VJET janë shumë në rrugën e një njeriu, por jo edhe aq në rrugën e historisë së një vendi e sidomos kur kjo është koha e kalimit nga një diktaturë ekstreme, në një demokraci funksionale. Bëhen plot 30 VJET sot nga dita, apo më saktë mbrëmja e daljes së studentëve në rrugën pa kthim të daljes prej diktaturës. Vite të jashtëzakonshme në jetën e shoqërisë sonë dhe një privilegj i jashtëzakonshëm të qenurit pjesë aktive e përpjekjeve përgjatë kësaj rruge, së bashku me nderin e madh të udhëheqjes së vendit në 7 vitet e fundit, pavarësisht thinjave të shtuara me një shpejtësi marramendëse në këto vite”, shkruan Rama.

30 VJET janë shumë në rrugën e një njeriu, por jo edhe aq në rrugën e historisë së një vendi e sidomos kur kjo është...

Posted by Edi Rama on Monday, December 7, 2020
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat