Pronari i një lokali në Divjakë është gjobitur me 1 milionë lekë nga policia, pasi kishte shkelur masat për parandalimin e përhapjes së COVID.
Policia njofton se D.S., në kundërshtim me Aktin Normativ, mbante lokalin hapur duke mos respektuar orarin e përcaktuar për ushtrimin e aktivitetit.
"Nga shërbimet e Policisë, në bazë të Aktit Normativ Nr. 3 datë 15.03.2020, është vendosur masa administrative 1.000.000 lekë për pronarin e lokalit, shtetasin D. S. Drejtoria Vendore e Policisë Fier apelon për të gjithë administratorët e lokaleve dhe qytetarët që të respektojnë me korrektësi masat anticovid, për të bërë të mundur shkëputjen e zinxhirit të infektimit nga virusi.
Fton qytetarët që të denoncojnë në 112 e Komisariatin Dixhital, cilindo pronar lokali apo qytetar që nuk i respekton këto masa kufizuese, duke u kthyer në burim rreziku për shëndetin e qytetarëve.”- thuhet në njoftimin e policisë.