U kapën me 30 kallëpe C4 duke udhëtuar drejt Shkodrës, gjykata i mbyll në burg pa afat

Shqipëria

U kapën me 30 kallëpe C4 duke udhëtuar drejt Shkodrës, gjykata i mbyll në burg pa afat

Më: 26 nëntor 2021 Në ora: 16:43
Foto ilustrim

Gjykata e Lezhës ka dhënë masën e sigurisë "burg pa afat" për shtetasit Agron Manuka dhe Imer Losha, të arrestuar mbrëmjen e së martës.

Dy të arrestuarve ju gjetën dhe sekuestruan 30 kallëpe me lëndë eksplozive C-4, 17 kapsolla detonatore, 2 aparate celularë të lidhura me përcjellës elektrik, gati për t'u montuar me mina me telekomandë.

Ata u ndaluan teksa po lëviznin me makinq në aksin e vjetër Milot-Lezhë, në fshatin Pllanë.

Policia thotë se kishte marrë informacion në rrugë operative për lëvizjen e eksplozivit në drejtim të Shkodrës, ndaj i ka mbajtur personat e dyshuar për disa ditë nën vëzhgim.

Mbrëmjen e së martës,  kur Manuka e Losha u nisën për të dërguar porosinë, blutë u bënë pritë pranë fshatit Pllanë dhe i vunë në pranga.

Dyshimet janë se eksplozivi C4, do tu dërgohej grupeve kriminale që veprojnë në qarkun e Shkodrës.

Policia nuk jep shumë detaje për shkak se hetimi vijon për të zbuluar pritësit e porosisë dhe personave të tjerë që mund të jenë të përfshirë në trafikun e lëndëve plasëse.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat