“Je për t’u futur në burg”/ Berisha shpërthen ndaj Bashës

Shqipëria

“Je për t’u futur në burg”/ Berisha shpërthen ndaj Bashës

Më: 26 nëntor 2021 Në ora: 18:11
Sali Berisha dhe Lulzim Basha

Sali Berisha nuk është përmbajtur as në Foltoren e fundit të zhvilluar në Kurbin kundër “djalit të tij politik”, Lulzim Bashës.

Berisha rikujtoi dy çështjet për të cilat ai ka folur pothuajse në çdo Foltore: dosja Muzin, ku akuzon Bashën për pastrim parash dhe Toyota Yaris, ku e akuzon se ka futur në xhep bashkë me Taulant Ballën miliona euro.

Për këtë Berisha shpërtheu duke thënë se “duhet futur në burg, je i përshtatshëm për qelitë e Shqipërisë dhe SHBA-së, por ka shpëtuar se e ka mbrojtur Rama”.

“Me urdhër të Ramës, prokurori dosjen Muzin, ku Basha akuzohet për larje parash nuk e çoi në Gjykatën e Lartë dhe pushoi çështjen. Tregoi pak Lul shqiptarëve kush ta bëri këtë nder? Pse ta bëri Rama këtë nder.

Po kaq i përfshirë je dhe në dosjen e Toyota Yaris me 5 mln euro. Dhe i thashë nga e more vesh këtë, më tha më mori në telefon një kamerier nga një restorant i huaj,” tha Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat