Grabitën bankën në Malësi të Madhe dhe i vunë flakën makinës, Policia: Autorët kërcënuan me armë një qytetar, i morën automjetin

Shqipëria

Grabitën bankën në Malësi të Madhe dhe i vunë flakën makinës, Policia: Autorët kërcënuan me armë një qytetar, i morën automjetin

Më: 9 maj 2022 Në ora: 15:34
Foto nga vendi i ngjarjes

Të tjera detaje janë zbuluar nga grabitja e bankës së nivelit të dytë në Koplik të Malësisë së Madhe.

Burime zyrtare të policisë thanë se ngjarja ka ndodhur rreth orës 14:10, kur disa persona të paidentifikuar kanë vjedhur, nën kërcënimin e armës, një shumë parash në filialin e një banke të nivelit të dytë, dhe më pas janë larguar me një mjet tip “Volksëagen”, të cilin e kanë djegur në dalje të qytetit.

Ndërsa ka zbuluar lëvizjet e autorëve, policia thotë se nën kërcënimin e armës, autorët kanë ndaluar një qytetar të rastit duke i grabitur makinën dhe më pas janë larguar.

Në ndihmë të Policisë lokale janë nisur shërbimet e Drejtorisë Vendore të Policisë Shkodër dhe grupe të FNSH Shkodër, ndërsa janë ngritur disa pika kontrolli me qëllim identifikimin dhe kapjen e autorëve.

Njoftimi i policisë:

Rreth orës 14:10, jemi njoftuar se disa persona të paidentifikuar kanë vjedhur, nën kërcënimin e armës, një shumë parash në filialin e një banke të nivelit të dytë, në Koplik, Malësi e Madhe, dhe më pas janë larguar me një mjet tip “Volksëagen”, të cilin e kanë djegur në dalje të qytetit. Personat, ende të paidentifikuar, pasi kanë djegur automjetin e tyre, kanë vjedhur nën kërcënimin e armës, një automjet tjetër tip “Benz” të një qytetari të rastit dhe janë larguar.

Shërbimet e Policisë janë vënë në ndjekje të autorëve. Në ndihmë të Policisë lokale janë nisur shërbimet e Drejtorisë Vendore të Policisë Shkodër dhe grupe të FNSH Shkodër.

Gjithashtu janë ngritur pika kontrolli, me qëllim identifikimin dhe kapjen e autorëve.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, po punon për zbardhjen e ngjarjes dhe sqarimin e plotë të rrethanave të saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat