Balla: Deklaratat e Ramës në Asamble nuk janë sulm ndaj SPAK

Shqipëria

Balla: Deklaratat e Ramës në Asamble nuk janë sulm ndaj SPAK

Më: 9 maj 2022 Në ora: 21:29
Taulant Balla

Kreu i Grupit Parlamentar të Partisë Socialiste, Taulant Balla i ftuar këtë të hënë në emisionin “Top Story” në drejtimin e Sokol Ballës tha se deklaratat e kryeministrit Edi Rama në Asamblenë e PS-së nuk janë sulm ndaj SPAK, por kërkesë për tub çuar drejtësinë para.

“E para për t’i vendosur gjërat në rendin kronologjik dhe mos i lënë vend hamendësimeve,atë që Edi Rama tha në Asamble është vijim i një qëndrimi të mbajtur prej kohësh. Është po i njëjti qëndrim që unë se konsideroj aspak sulm ndaj SPAK-ut. Unë jam këtu për t’ju thënë se nuk është sulm, por kërkesë, që buron prej pritshmërisë së qytetarëve, SHBA dhe BE.

BE kërkon rezultate konkrete në çuarjen para të drejtësisë së magjistratëve por ka rezultuar që këto person kanë vendosur porosi në rrugë të pandershme dhe kriminale. Nëse fatmirësisht Bullgaria do të heqë veton dhe do të niset negociatat për Shqipërinë, kjo është një gjë që do të na pengojë dhe BE do ta kenë kushte në tryezë që zotëri duam rezultate konkrete.

Rezultati konkret është kur këta persona që kanë qindra miliona, llogari të fshehura, shtëpi pafund të shkojnë para drejtësisë. Kim shpeshherë ka kërkuar hetim të plotë dhe çuarjen para drejtësisë dhe janë në proces dhe kjo tronditje dhe apel i Ramës dhe mazhorancës, ky nuk është qëndrim personal i Ramës por i kësaj shumice, edhe unë sa herë më është dhënë mundësia, në të tre seancat e fundit i ka kërkuar SPAK informacion”, tha Balla.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat