“Vula” e PD në duart e Gjykatës/ Reagon Berisha: Rama dhe Yuri Kim kanë ndërhyrë

Shqipëria

“Vula” e PD në duart e Gjykatës/ Reagon Berisha: Rama dhe Yuri Kim kanë ndërhyrë

Më: 17 maj 2022 Në ora: 17:12
Sali Berisha

Ish-kryeministri Sali Berisha ka reaguar pas vendimit të Gjykatës së Apelit, e cila ka caktuar me short gjyqtarin që do të ketë në dorë fatin e “vulës” së PD.

Me anë të një postimi në rrjete sociale Berisha shprehet se është në kundërshtim flagrant me ligjin që Gjykata e Tiranës të mos japë një kopje të vendimit që ‘Rithemelimi’ ka kërkuar.

Sipas Berishës kjo ka ndodhur me ndërhyrjen e Kryeministrit Rama dhe Ambasadores së SHBA në Tiranë, Yuri Kim.

Berisha shkruan gjithashtu se ndodh për herë të parë në historinë e botës që akti i Gjykatës së Tiranës shoqërohet nga deklaratë politke.

“Kjo nuk ka ndodhur as në diktaturë”-shkruan Sali Berisha.

REAGIMI I PLOTË i SALI BERISHËS:

Deklarata e pare ne historine e botes!
Te dashur miq, prej tre javesh, ne kundershtim flagrant me ligjet e vendit gjate te cilave Gjykata e Tiranes nuk i dha PD nje kopje te vendimit anti ligjor te gjykateses Blerina Muça, e cila ne kundershtim flagrant me ligjin dhe me nderhyrje antikushtetuese te Edi Rames dhe Guvernatores Kim (sic e pohoi ajo vete) shpalli pale ata qe kurre nuk kane qene pale.

Kete vendim antiligjor kjo gjykate e dergoi sot ne ne Apel, perseri duke mos ia dhene vendimin PD, e cila ishte pale e vetme ne proces. Por ky akt antiligjor ne nje rast unik ne historine e Shqiperise dhe te botes, shoqerohet nga nje deklarate politike e gjykates se Apelit publikuar dy ore para se sa te hidhet shorti per gjyqtarin qe do te shqyrtonte çeshtjen. Kjo deklarate qe asnjehere nuk eshte bere ne paradhenie nga ndonje gjykate, as ne diktature, deshmon ne menyre te pakundershtueshme:

1- nderhyrjen e turpshme dhe diktimin e nje deklarate te tille gjykates nga Edi Rama, e cila tregon perpjekjet e tmerrshme per ndikimin ne drejtesi.

Duke denuar me ashpersine me te madhe kete nderhyrje brutale ne punen e gjykatave, rikujtojme se nje deklarate e tille nuk eshte bere as kur Alibasha sulmoi eger gjykatesin e gjykates se Tiranes, nje dite para se te vendoste per kuvendin e 11 Dhjetorit te vitit 2021 te PD.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat