Procesi i Presidentit/ Taulant Balla: Do të vazhdojmë të presim opozitën

Shqipëria

Procesi i Presidentit/ Taulant Balla: Do të vazhdojmë të presim opozitën

Më: 26 maj 2022 Në ora: 15:10
Taulant Balla

Kreu i grupit parlamentar të Partisë Socialiste, Taulant Balla ka deklaruar se do të vijojnë të presin opozitën deri në përfundim të raundit të tretë.

“Ne do të vazhdojmë të presim , ne nuk do të publikojmë emra deri të dielën në 16:00, sepse kështu kemi rënë dakort deri në raundin e tretë.”-tha Balla.

Nga ana tjetër kreu i grupit të socialistëve ka thënë se nuk do të pranojnë variantin e propozuar nga Enkelejd Alibeaj.

“Nuk e gjej me vend që PD, sic u informova nga ju të ketë marrë vendimin që vazhdojnë të insistojnë te variant i z.Alibeaj që përdoret për avokatin e popullit, nuk do ta pranojmë.”

Balla ka njoftuar se është në bisedime me dy grupet e tjera parlamentare dhe dialogu do të vazhdojë deri në përfundim të procesit.

Gjithashtu ai shtoi të gjithë deputeëtët duhet të marrin pjesë në votimin e Presidentit të ri të vendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat