Ministria e Punëve të Jashtme të Bullgarisë ka reaguar pas deklaratave të bëra në Bruksel nga kryeministri Edi Rama, i cili i quajti ‘një turp’ sa i takon qëndrimit për çështjen e integrimit.
Në deklaratë thuhet se integrimi i Shqipërisë në BE është mbështetur nga Bullgaria edhe më herët kur ka qenë proces më i vështirë se sa sot.
“Ne e mbështesim atë sot, pavarësisht gjithçkaje, në emër të një të ardhmeje të përbashkët evropiane. “Politikanët largohen. Kombet mbeten. Popujt tanë kanë një interes të përbashkët, i cili nuk duhet të cenohet nga një gjykim i gabuar i politikanëve.
Si kundërpërgjigje, nuk është hera e parë që dëgjojmë komunikime të paprovokuara të ashpra, fyese nga një kryetar qeverie. Presim që kryeministri shqiptar t’i përshtatë mjetet e tij shprehëse në një gjuhë që i përshtatet një politikani të një vendi kandidat për anëtarësim në BE,”, sqaron më tej Ministria e Jashtme.
