Plagosje, shkatërrim prone dhe shkelje urdhri gjykate! Procedohen për vepra të ndryshme penale 6 persona në Elbasan

Shqipëria

Plagosje, shkatërrim prone dhe shkelje urdhri gjykate! Procedohen për vepra të ndryshme penale 6 persona në Elbasan

Më: 26 qershor 2022 Në ora: 10:50
Foto ilustrim

Policia bën me dije ditën e sotme se janë proceduar në gjendje të lirë 6 shtetas, për vepra të ndryshme penale.

Këto shkelje përfshijnë “Veprime në kundërshtim me vendimin e gjykatës”, “Dëmtime të tjera me dashje”, “Shkatërrimi i pronës nga pakujdesia”, “Plagosja e lehtë me dashje” dhe “Përdorimi me keqdashje i thirrjeve telefonike”.

Ndërkohë, materialet i janë dorëzuar Prokurorisë pranë Gjykatës së Rrethit Gjyqësor Elbasan, për veprime të mëtejshme.

Njoftimi i policisë:

DVP Elbasan/Procedohen në gjendje të lirë 6 shtetas, për vepra të ndryshme penale.

Specialistët e Seksionit për Hetimin e Krimit të Komisariatit të Policisë Elbasan referuan materialet në Prokurori për shtetasit:

– A. H., 45 vjeç, banues në lagjen “Shënkoll”, Elbasan, për veprën penale “Veprime në kundërshtim me vendimin e gjykatës”, pasi dyshohet se nuk ka zbatuar urdhrin e mbrojtjes, të lëshuar nga Gjykata, për  bashkëshorten e tij;

– E. G., 37 vjeç , banues në lagjen “Qemal Stafa”, për veprën penale “Veprime në kundërshtim me vendimin e gjykatës”, pasi dyshohet se nuk ka zbatuar urdhrin e mbrojtjes, të lëshuar nga Gjykata, për motren e tij

Specialistët e Seksionit për Hetimin e Krimit të Komisariatit të Policisë Cërrik referuan materialet në Prokurori për shtetasit;

-M. Q., 26 vjeç, banues në fshatin Hardhias, Belsh, për veprën penale, “Dëmtime të tjera me dashje “, pasi dyshohet se për motive të dobëta, ka goditur me grusht shtetasin M. T.;

– H. P., 57 vjeç, banues në fshatin “Kosovë e madhe”, Belsh, për veprën penale, “Shkatërrimi i pronës nga pakujdesia”, pasi si pasojë e erës, zjarri i ndezur nga ky shtetas për të djegur plehra, ka dalë jashtë kontrolli dhe ka dëmtuar disa rrënjë ullinj.

Specialistët e Seksionit për Hetimin e Krimit të Komisariatit të Policisë Librazhd  referuan materialet në Prokurori për shtetasin B. N., 70 vjeç, banues në Tiranë, për veprën penale, “Plagosja e lehtë me dashje”, pasi në fshatin Stërblevë, Librazhd, për motive të dobëta, dyshohet se ka goditur me sende të forta, shtetasin I. K.

Specialistët e Seksionit për Hetimin e Krimit të Komisariatit të Policisë Gramsh referuan materialet në Prokurori për shtetasen  E. N., 36 vjeçe, banuese në Gramsh, për veprën penale “Përdorimi me keqdashje i thirrjeve  telefonike”, pasi dyshohet se ka fyer, përmes mesazheve telefonike, shtetasin I. Xh.

Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat