Pezullohen kolaudimet në Sarandë, stuhia dëmtoi pajisjet e Drejtorisë së Transportit Rrugor

Shqipëria

Pezullohen kolaudimet në Sarandë, stuhia dëmtoi pajisjet e Drejtorisë së Transportit Rrugor

Më: 5 korrik 2022 Në ora: 13:24
Foto ilustrim

Stuhia e befasishme që përshiu ditën e djeshme qytetin bregdetar të Sarandës ka shkaktuar dëme edhe në Drejtorinë e Transportit Rrugor.

Si pasojë e dëmtimeve,  mëzohet se janë pezulluar shërbimet.

DPSHTRR njofton se nuk do të ofrohen shërbime deri në normalizim e situatës, teksa thekson se nuk do të ketë penalizime.

“Të nderuar qytetarë të qytetit të Sarandës, Konispolit, Delvinës dhe Livadhjasë në Finiq!

Si pasojë e dëmtimeve të disa pajisjeve nga kushtet e pafavorshme të motit ditën e djeshme, në DRSHTRR Sarandë nuk do të ofrohet asnjë shërbim. Ju bëjmë me dije se nuk do të ketë penalitete në gjoba në pagesën e taksës dhe kontrollit teknik, për shkak të vonesës”, thuhet në njoftim.

Stuhia mbrëmjen e djeshme në Sarandë i shkaktoi vdekjen 22-vjeçarit Armando Kazma, i cili u godit nga shembja e mbulesës së kalçetos, ku kishte shkuar të luante me miqtë e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat