Veliaj viziton Kievin, takohet me presidentin Zelensky! Nënshkruajnë një memorandum

Shqipëria

Veliaj viziton Kievin, takohet me presidentin Zelensky! Nënshkruajnë një memorandum

Më: 19 gusht 2022 Në ora: 19:44
Erion Veliaj dhe Zelensky

Kryebashkiaku i Tiranës Erion Veliaj ka udhëtuar drejt Ukrainës ku është takuar me presidentin Volodymyr Zelensky. Veliaj ndodhet në Ukrainë së bashku me përfaqësuesit e Shoqatës së Qyteteve Evropiane të Eurocities në mbështetje të Ukrainës.

Zelesnsky përshëndeti delegacionin dhe theksoi rëndësinë e vizitave të tilla në këtë kohë të vështirë, kur Ukraina  po lufton kundër pushtimit rus. Ai falënderoi qeveritë dhe popujt e vendeve evropiane për mbështetjen e tyre ndaj Ukrainës dhe qytetarëve tanë.

“Kur flasim për ndihmë dhe mbështetje – humanitare, ushtarake, politike – është gjithashtu e rëndësishme të mos harrojmë ndihmën në rindërtimin e qyteteve dhe komuniteteve tona. Dhe është e rëndësishme që rindërtimi të mos fillojë pas luftës, por tani. Është e nevojshme të sigurohen masa humanitare që do t’i lejojnë njerëzit në Ukrainë t’i kthehen jetës normale“, shkruan ai.

“Jam i lumtur të mirëpres delegacionin e Eurocities në Ukrainë. Ne e vlerësojmë që në këtë kohë të vështirë, kur vendi ynë po lufton kundër pushtimit rus, ju jeni me ne. Unë u jam mirënjohës qyteteve evropiane për strehimin e njerëzve tanë që u detyruan të ikin nga lufta.

Ne gjithashtu do të jemi mirënjohës për ndihmën në rivendosjen e banesave, infrastrukturës – kushteve për kthimin e ukrainasve në atdheun e tyre. Është e rëndësishme që rindërtimi të fillojë jo pas luftës, por tani. Sot është bërë një hap tjetër për këtë. Një Memorandum Mirëkuptimi u nënshkrua për të mbështetur rindërtimin e qëndrueshëm të qyteteve të Ukrainës.”- tha Zelensky.

Kryetari i Shoqatës theksoi se Memorandumi i nënshkruar do të bëhet një mjet efektiv për mbështetjen e qyteteve të Ukrainës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat