Kryeministri Edi Rama ka reaguar në lidhje me një deklaratë të OKB, ku përmendet normalizimi i Prishtinës dhe Beogradit, dhe jo Kosovës e Serbisë, referuar dakordimit të arritur në takimin e së shtunës në Ohër.
Ndërkohë që nuk ka pasur asnjë reagim në lidhje me mos nënshkrimin e marrëveshjes nga Aleksandër Vuçiç, ai ka zgjedhur të tregohet “i ashpër” me OKB-në, ndërsa i ka kërkuar sqarim të menjëhershëm në lidhje me mospërmendjen e Kosovës në deklaratë, por dy shteteve i janë referuar me kryeqytetet , pra Prishtinë e Beograd.
'Belgrade and Pristina'?! A serious mistake or a lapse? The official name of it is 'The Agreement on the Path to Normalization between Kosovo and Serbia', and it would be unacceptable if the SG did not use this proper name deliberately. Please provide clarification promptly. pic.twitter.com/n48UMyklS1
— Edi Rama (@ediramaal) March 21, 2023
Në reagimin në Twitter, Rama ka ngritur pikëpyetje nëse ky është një lapsus apo një gabim serioz.
“’Beogradi dhe Prishtina’?! Një gabim serioz apo një gabim? Emri zyrtar i saj është ‘Marrëveshja për rrugën drejt normalizimit ndërmjet Kosovës dhe Serbisë’ dhe do të ishte e papranueshme nëse OKB nuk do ta përdorte këtë emër të duhur qëllimisht. Ju lutemi jepni sqarime menjëherë”, shkruan Rama.
