Rama - Berishës: Ju e keni harruar çfarë është programi, 1 milionë shqiptarë ju nxorrën në opozitë - Bota Sot
Rama - Berishës: Ju e keni harruar çfarë është programi, 1 milionë shqiptarë ju nxorrën në opozitë

Shqipëria

Rama - Berishës: Ju e keni harruar çfarë është programi, 1 milionë shqiptarë ju nxorrën në opozitë

Më: 14 shtator 2013 Në ora: 22:55

Menjëherë pas ishkryeministrit Berisha, fjalën në kuvendin e Shqipërisë e ka marrë kryeministri Edi Rama.
Rama ka deklaruar se Sali Berisha nuk e ka marrë akoma veten nga humbja.
“Fat, se kur ha një milion shuplaka, mendja ose ikën ose të vjen. Krahu i armatosur me shifra të rreme të qeverisë së ikur, INSTA-i dora vetë, sapo ka publikuar një dokument ku thotë se katër vitet e fundit, varfëria nuk është tkurrur, por është futur më thellë. Sipas INSTAT-it dora vetë, varfëria nga 12.4% është rritur në 13.4%.

Dëgjoni dhe mbani mend se çfarë do t’ju them sot: Personalja, fisi e fara nuk do jenë asnjëhërë pjesë e fjalës sime, por fshijeni nga mendja se unë do t’ju kursej për të pabërat e lebetitshme që keni bërë. Dhe padyshim do t’i afroheni më shumë interesave të qytetarëve”, u shpreh kryeministri Rama.
Rama i bëri thirrje opozitës të bëjë pyetje mbi programin qeverisës.

“Opozita e sotme është e lirë të zgjedhë të mos hapë sytë nga “obobotë ç’na panë sytë në kutitë e votimit”. Ju gënjyer se nuk e morët Programin dhe pse nuk ishte 1 prillit. I thatë ç’nuk i thatë Qeverisë por Programit të qeverisë asgjë nuk i thatë, sepse ka kohë që nuk e dini se çfarë është një Program Qeverie që i paraqitët Kuvendit.

Jemi këtu për t’i ngritur kokën popullit shqiptar, jo për të gjetur kokën tuaj. E sa për këtë program, që zonja i vuri në dyshim shqiponjën, unë e mirëkuptoj sepse shqiponjat nuk janë njësoj. Mjafton për t’ju qetësuar se shqiponja që ka mbajtur në sup paraardhësi im, ajo e hallakatur, nuk ishte gabim, pavarësisht se estetikisht ishte po aq e hallakatur sa qeveria juaj. Për dijeni, kur Programi dhe Qeveria të miratohen, për dijeni asnjë dokument nuk do mbajë asnjë stemë tjetër veç asaj të Republikës.” tha Rama.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...