Edi Rama po shkon drejt kandidaturës së Erion Veliajt - Bota Sot
Edi Rama po shkon drejt kandidaturës së Erion Veliajt

Shqipëria

Edi Rama po shkon drejt kandidaturës së Erion Veliajt

Më: 14 prill 2015 Në ora: 20:29

Kryeministri Edi Rama, menjëherë pas kthimit nga Emiratet e Bashkuara Arabe, ku ndodhej për një vizitë zyrtare, u takua për rreth 60 minuta në selinë e Kryeministrisë me një grup të ngushtë ministrash dhe deputetësh.

Në takim kanë marrë pjesë ministrat Lindita Nikolla, Saimir Tahiri dhe Ditmir Bushati, deputetët Balla dhe Shalsi si dhe kreu i grupit parlamentar, Gramoz Ruçi.

Në takim ishte edhe Erjon Veliaj, njëri prej emrave më të përfolur si kandidat i mundshëm i së majtës për Bashkinë e Tiranës.

Edhe ky takim nuk ka prodhuar një emër konkret për kandidat në kryeqytet. Një burim tha për Top Channel se nuk ishte diskutuar një emër konkret, por qëllimi i takimit ishte ndërtimi i një plani masash organizative elektorale.

Pas këtij takimi mbetet ende në fuqi deklarata e kryeministri Rama lëshuar fundjavën e kaluar kur tha se brenda mesit të kësaj jave do të dilej me një emër për kandidat, ndaj për këtë emër duhet pritur e mërkura ose e enjtja./TCH

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...